Amato 16:21 - Mbeti ti Nzapa - Tënë so amu fini

²¹ Zo so ayeke gbu li ti lo na ndara, lo yeke zo ti hingango ye. Zo so atene anzerengo tënë na mba ti lo, fade mba ti lo ni ayeke yeda na lo.

Amato 16:21 ပူးပေါင်းရင်းမြစ်များ

1 Agbia 3:12

mbi yeke sara ye alingbi na ye so mo hunda: mbi yeke mu na mo ndara na hingango ndo. Mbeni zo ti duti na ndara tongana mo ayeke daa pepe, ataa kozo na mo wala na peko ti mo.

Abia (Psaumes) 45:2

Be ti mbi asi singo na anzoni tënë ti tenengo ni; mbi yeke he nzoni bia ti mbi na gbia. Ayeke nzoni yanga ti mbi ayapu na bia ni tongana keke ti mbeti ti zo so ahinga ti su mbeti nzoni.

Amato 10:13

Atënë ti ndara asigigi na yanga ti zo so ahinga ye; me ti zo so li ti lo ayeke daa pepe, lo lingbi gi na pika.

Amato 10:23

Ti zo ti buba, sarango sioni ayeke tongana ye ti ngia ti lo; me ti zo ti hingango ndo, ndara ayeke tongana ye ti ngia ti lo.

Amato 10:8

Zo so ayeke na nzoni gbungo-li, lo yeke yeda na andia so a fa na lo; me zo so ayeke diko abuba tënë, lo yeke gi titene gigi ti lo abuba.

Amato 15:7

Atënë ti zo ti ndara ayeke mu lege na zo ti hinga ye; me gbungo-li ti zo ti buba ayeke mbeni ye nde!

Amato 16:22

Hingango ndo ayeke tongana li ti ngu so ayeke mu fini na zo so ayeke na ni. Me pika so azo ti buba ayeke wara ayeke ye ti buba ti ala wani.

Amato 23:15

Molenge ti mbi, tongana mo ga zo ti ndara, fade be ti mbi ayeke duti na ngia.

Amato 27:9

Mafuta na yombo ayeke zia ngia na be ti zo; me zo so aye mo si be ti lo awoko na mo, so laa ayeke nzoni ahon wango so mo mu na mo wani.

Zo ti bongbingo azo 12:10

Zo ti bongbingo azo asara kue ti wara anzerengo tënë. Lo su atënë ni mbirimbiri na mbeti, atënë ni ayeke taa-tënë.

Ésaïe 50:4

Kota Gbia NZAPA afa na mbi tënë so mbi lingbi ti tene, titene mbi hinga lege ti mu ngangu na zo so awoko. Lakue na ndaperere, lo yeke zingo mbi, lo yeke zi mê ti mbi titene mbi ma ndo tongana adisiple.

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.

Nzoni Tënë so Luc asu na mbeti 4:22

Ala kue ayeke gonda lo; li ti ala kue akpe ndali ti tënë ti nzoni be so ayeke sigigi na yanga ti lo. Ala hunda ndo, atene: “Molenge ti Joseph so laa pepe?”

Jean 7:46

Aturugu ni akiri tënë na ala, atene: “Mbeni zo ti tene tënë tongana koli so ayeke daa oko pepe!”

Rome 16:19

Ti ala, a-ita, azo kue ahinga atene, ala yeke azo ti mango tënë. Tongaso be ti mbi anzere na ala, me mbi ye titene ala duti azo ti ndara ti sara ye so ayeke nzoni, ala duti *nzoni ti ke lege ti ye ti sioni.

Jacques 3:17

Me ndara so alondo na yayu, kozoni asara si zo aduti na vurungo be, na pekoni, asara si zo aduti na siriri, zo asara ye na ngangu pepe, zo ama tere na mba ti lo, zo asara nzoni be mingi na mba ti lo si lo sara nga anzoni ye. Ndara ti yayu ayeke mu mbage ti mbeni zo pepe si zo so ayeke na ni, tënë ti yanga ti lo ayeke nde pepe na sarango ye ti lo.