Amato 16:20 - Mbeti ti Nzapa - Tënë so amu fini

²⁰ Zo so agbu li ti lo nzoni na ndö ti mbeni ye, lo yeke baa nzoni daa; zo so azia be ti lo na ndö ti KOTA GBIA, ti lo nzoni!

Amato 16:20 ပူးပေါင်းရင်းမြစ်များ

1 Mbai 5:20

Na ngoi ti bira ni, ala toto na Nzapa; lo yeda na sambela ti ala si lo mu maboko na ala, ngbanga ti so ala zia be ti ala na lo. Tongaso ala hon ndö ti azo ti mara ti Hagri nga na asongo ti ala.

Abia (Psaumes) 125:1

A yeke he bia so na ndembe ti guengo ni na Jérusalem. Azo so azia be ti ala na ndö ti *KOTA GBIA, ala yeke tongana hoto ti *Sion so ayeke yingi laoko pepe si angba kpu na kpu.

Abia (Psaumes) 146:5

Ti lo nzoni, zo so Nzapa ti Jacob ayeke mu maboko na lo si lo zia be ti lo ti ku KOTA GBIA, Nzapa ti lo!

Abia (Psaumes) 2:12

Ala kuku ti voro molenge ti lo si lo sara ngonzo pepe. Tongana lo sara ngonzo, fade ala kui na lege ti sarango ye ti ala so. Biani, gi kete ye, ngonzo ti lo alondo tongana wâ. Ti ala nzoni, azo so kue akpe na lo ti bata tere ti ala.

Abia (Psaumes) 32:10

Pasi ti sioni zo ayeke mingi, me zo so azia be ti lo na ndö ti KOTA GBIA, nzoni be ti KOTA GBIA ayeke ngoro lo kue.

Abia (Psaumes) 34:8

*Ange ti KOTA GBIA ayeke sara sanziri na tere ti azo so akpe mbeto ti lo; lo yeke zi ala na ya ti ye ti ngangu.

Amato 13:13

Zo so abaa wango tongana mbumbuse ye, lo yeke buba fini ti lo wani. Me zo so asara ye alingbi na atënë ti ndia, lo yeke wara nzoni ye ti pekoni.

Amato 13:15

Zo ti hingango ndo, be ti azo anzere na lo; me azo ti kango amba ti ala, lege ti ala ague kirikiri.

Amato 17:2

Zo ti kua so le ti lo ahan, lo yeke mu ndo ti molenge ti da so azia kamene na le ti azo. Fade zo ti kua ni ayeke wara akungba na peko ti kuâ ti babâ ni legeoko na tanga ti amolenge ni.

Amato 19:8

Zo so ayeke manda ti gbu li ti lo nzoni, lo yeke sara nzoni na lo wani; zo so asara ngangu kue ti hinga ndo, lo yeke baa nzoni daa.

Amato 8:35

Biani, zo so awara mbi, awara fini awe; be ti KOTA GBIA ayeke nzere na lo.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Daniel 3:28

Nabukodonosor amu tënë si atene: “E mu singila na Nzapa ti Shadrak, ti Meshak na ti Abed-Nego! Lo tokua *ange ti lo ti soo azo ti kua ti lo na kuâ. Ala zia be ti ala kue gi na ndö ti lo si ala ke ti ma yanga ti mbi so mbi yeke gbia. Ala yeda ti mu tere ti ala na kuâ, ahon titene ala sara na mbeni nzapa nde si ala voro mbeni nzapa so ayeke Nzapa ti ala pepe.

Daniel 6:23

Nzapa ti mbi atokua *ange ti lo si ange ni akanga yanga ti abamara ni, ala sara sioni na mbi oko pepe, ngbanga ti so Nzapa abaa so tënë ayeke na li ti mbi pepe, lo baa so mbi sara nga sioni ye oko na mo pepe, gbia ti mbi.”

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.