Amato 16:18 - Mbeti ti Nzapa - Tënë so amu fini

¹⁸ Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

Amato 16:18 ပူးပေါင်းရင်းမြစ်များ

Esther 3:5

So Haman abaa biani so Mardochée ake ti kuku na gbe ti lo si ake ti kpo li ti lo na sese, be ti lo asi na ngonzo mingi.

Esther 6:6

Haman ali si gbia ahunda lo, atene: “Mbeni zo ayeke daa so gbia aye ti mu nengo na lo. Nyen laa lo lingbi ti sara ndali ti zo ni, nyen?” Haman atene na be ti lo, atene: “Mbeni zo nde ayeke daa so gbia alingbi ti mu nengo na lo? Gbaa, zo ni ayeke gi mbi wani-aa!”

Esther 7:10

Ala kanga go ti Haman na nduzu na tere ti keke so lo wani, lo leke ndali ti Mardochée. Na pekoni, ngonzo ti gbia ade.

Amato 11:2

Tongana zo aga zo ti baba, aninga pepe lo ga zo ti kamene; me zo ti ndara ayeke zo so asara tere ti lo kete.

Amato 17:19

Zo so aye tënë ti papa, andaa lo ye siokpari; zo so azi yanga ti lo ti tene tënë ti baba, gigi ti lo ayeke buba.

Amato 18:12

Kozo titene zo ati biani biani, be ti lo asi singo na baba. Kozo titene zo awara gonda, ayeke nzoni lo sara tere ti lo kete si.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Ésaïe 37:38

Mbeni lâ, so lo yeke sambela na ya ti da ti nzapa ti lo Nisrok, amolenge ti lo Adramelek na Sareser afâ lo na yongoro zeme si ala kpe ague na sese ti Arara. Molenge ti lo Asaradon laa aga gbia na peko ti lo.

Jérémie 49:16

Ando, mo yeke zia mbeto na be ti azo kue, mo baa tere ti mo kota mo hon azo kue, andaa mo handa tere ti mo wani. Mo so mo yeke lango na ya ti adu ti têne so, mo so ndo ti duti ti mo ayeke na li ti ahoto so, ataa mo sara da ti mo yongoro na nduzu ahon ti *ngoalo, mbi yeke gboto mo kâ ti bi mo na sese.” So tënë ti yanga ti KOTA GBIA laa.

Jérémie 50:32

Zo ti baba ni aye ti ti, si lo ti awe; me zo ti yo lo na nduzu ayeke daa pepe. Mbi yeke bi wâ na ya ti agbata ti lo, wâ ni ayeke gbi aye so kue ayeke na tere ni.”

Ezekiel 28:17

Be ti mo asuku na baba ndali ti pendere ti mo; mo zia lege na anzoni ye so mo wara ti buba ndara ti mo. Ndani laa, mbi bi mo na sese, mbi zia mo titene mo ga ye ti ngia na le ti agbia.

Ezekiel 29:9

Fade Ezipte ayeke buba kue si ayeke ga benyama. Tongaso, fade azo ayeke hinga atene, mbi laa mbi yeke KOTA GBIA. “Mo tene: ‘Ngu ti Nil ayeke ti mbi; mbi laa mbi sara ni.’

Daniel 11:12

So gbia ti Mbongo abaa atene ni kinda azo gbani gbani awe, baba ayeke hon ndö ti lo. Me ataa so lo yeke fâ aturugu kutu kutu, lo yeke so benda pepe.

Daniel 5:22

Ti mo Baltazar, molenge ti lo, mo hinga aye so kue, me mo ke ti sara tere ti mo kete.

Daniel 5:24

Tongaso Nzapa atokua mbeni maboko ti su mbeti so mo baa so.

Matthieu 26:74

Pierre ato nda ti deba yanga ti lo, atene: “Ayeke nzoni Nzapa afâ ngbanga na li ti mbi tongana mbi tene mvene! Mbi hinga koli so oko pepe!” Gi na pekoni, koli-kondo atoto.

Nzoni Tënë so Luc asu na mbeti 14:9

si zo so atisa ala use kue so aga atene na mo: ‘Zia ngende ti mo na lo.’ Fade mo yeke gue na kamene na le ti mo ti duti na ndö ti ngende ti ndani.

Rome 11:20

Tënë ni laa. Me a fâ amaboko ti keke ni, ngbanga ti so ala ma na be pepe. Ti mo, mo ngba na tere ti keke ni, ngbanga ti so mo ma na be. Tongaso, mo pika kate ti mo pepe, me mo sara gi hange.

1 Timothée 3:6

Alingbi zo ti li ti Eglize ayeke zo so ama na be fini fini pepe; tongaso pepe, fade baba ayeke hon ndö ti lo si Nzapa ayeke fâ ngbanga na li ti lo tongana ti so lo fâ na li ti Zabolo.

Awafango-ngbanga 11:28

Me gbia ti Amon ama pepe atënë so Yefte atokua ti tene na lo.

1 Samuel 17:42

So zo ti Filistii so abaa David awe, David ayeke ye oko na le ti lo pepe, ngbanga ti so David ayeke gi maseka so lo be bengo si le ti lo apendere.