Amato 16:16 - Mbeti ti Nzapa - Tënë so amu fini

¹⁶ Titene zo awara ndara, so laa ayeke nzoni ahon titene lo wara lôro ti nzoni ni. Titene zo awara hingango ndo, so laa ayeke nzoni ahon titene lo wara wen ti nginza.

Amato 16:16 ပူးပေါင်းရင်းမြစ်များ

Abia (Psaumes) 119:127

Mbi ye atënë ti ndia ti mo ahon lôro, ataa lôro ti nzoni ni.

Amato 2:4

Gi ndara tongana ti so zo ayeke gi nginza; gi ni ngangu tongana ti so zo ayeke gi mbeni mosoro so ahonde.

Amato 3:13

Ti lo nzoni, zo so awara ndara si lo ga zo ti hingango ndo!

Amato 3:14

Tongana zo awara ndara, lo yeke baa nzoni daa ahon warango nginza; nzoni ye so lo wara daa ahon lôro.

Amato 4:5

Sara kue ti wara ndara na hingango nda ti ye. Be ti mo agirisa na atënë ti yanga ti mbi pepe; mo hon nde na atënë ni pepe.

Amato 4:7

Tongo nda ti ndara ayeke so: mo sara kue ti wara ndara. Ye so kue mo wara, mo mu ni ti wara na hingango nda ti aye.

Amato 8:19

Aye so mbi yeke mu na azo ayeke nzoni ahon lôro ti nzoni ni; ye so zo awara na pekoni ayeke kota ahon wen ti nginza ti nzoni ni.

Zo ti bongbingo azo 7:12

Ndara ayeke bata zo tongana ti so nginza ayeke bata zo. Ndara asara si gigi ti zo ague, ayo, nilaa ayeke nzoni, zo aduti na ndara.

Matthieu 16:26

Tongana zo awara aye ti dunia so kue si lo girisa fini ti lo, nzoni ye ti nyen laa lo yeke wara na peko ni? Nyen laa zo alingbi ti mu ti vo na fini ti lo?

Nzoni Tënë so Luc asu na mbeti 12:21

Jésus akiri atene: “Baa, ye so ayeke si ande na zo so ayeke bongbi amosoro gi ndali ti lo wani si lo bongbi aye ndali ti Nzapa pepe so laa!”