Amato 16:14 - Mbeti ti Nzapa - Tënë so amu fini

¹⁴ Tongana ngonzo asara gbia, lo lingbi ti fâ zo; me zo ti ndara alingbi ti de be ti lo.

Amato 16:14 ပူးပေါင်းရင်းမြစ်များ

Tongo nda ti aye 40:2

Faraon, gbia ti Ezipte asara ngonzo na tere ti azo use so; makonzi ti azo ti mungo samba na gbia na makonzi ti azo ti zongo mapa ti gbia;

Esther 7:7

Wâ ti ngonzo amu gbia, lo londo hio na ndo so ala yeke sara matanga ni daa so si lo gue na ndo so a lu apendere kongo daa na ya ti yangbo ni. So Haman ahinga atene, gbia aye gi kuâ ti lo, lo ngba na ndo so ti gbu gere ti Esther, wali ti gbia, titene Esther asoo fini ti lo.

Amato 15:18

Zo so be ti lo wâ wâ asara si papa alondo; me zo so ayeke kanga be ti lo asara si tiri akai.

Amato 16:13

Be ti gbia anzere na azo so ayeke tene tënë ti mbirimbiri; lo ye azo so ayeke tene taa-tënë.

Amato 16:15

Tongana ngia amu yanga ti gbia, azo ayeke duti na fini; nzoni be ti lo ayeke tongana ngu-Nzapa so ayeke sara titene tere ti zo ade.

Amato 17:11

Zo ti sioni ayeke gi gi lege ti bi wusuwusu; tongaso, fade a yeke tokua asioni ye mingi na ndö ti lo.

Amato 19:12

Ngonzo ti gbia ayeke tongana toto ti bamara; me nzoni be ti lo ayeke tongana ngu ti ndö ti pere.

Amato 20:2

Ngonzo ti wâ ti gbia ayeke tongana toto ti bamara so ayeke zia kota mbeto na be ti zo; zo so asara si ngonzo ti gbia alondo, lo gi kuâ na tere ti lo wani.

Amato 29:26

Azo mingi ayeke gi lege ti ga nzoni na le ti makonzi ti ala, me gi KOTA GBIA oko laa ayeke fâ ngbanga ti zo oko oko na legeni.

Amato 29:8

Azo so abaa amba ti ala tongana ambumbuse zo ayeke bi wâ na ya ti gbata; me azo ti ndara asara si ngonzo ade.

Zo ti bongbingo azo 10:4

Tongana makonzi ti mo asara ngonzo na tere ti mo, ayeke nzoni mo do ndo ti kua ti mo, mo zia pepe. Be ti mo aduti kpoo, tongaso si mo kanga lege na ambeni sioni sarango ye.

Daniel 2:16

Daniel ague hio ti baa gbia; lo gue, lo gbu gere ti gbia si gbia alingbi ti zia mbeni ngoi na lo titene lo fa na gbia ni nda ti bango-li ni.

Marc 6:27

Nilaa lo tokua mbeni turugu hio; lo mu yanga na lo ti ga na li ti Jean-Baptiste. Turugu ni ague si lo fâ go ti Jean na da ti kanga.

Awatokua 12:20

Be ti Herode aso mingi na azo ti Tir na ti Sidon. Azo ni ama tere ti gue ti baa Herode. Ala gue kozoni abaa Blastus, makonzi-kubu ti gbia titene lo gbu koko ti ala. Na pekoni, ala gue na Herode titene ala ma tere si siriri akiri na popo ti ala. Andaa kobe ayeke londo na kodro ti gbia Herode si ayeke gue na kodro ti ala.

2 Korente 5:20

Tongaso, e yeke sara kua ti lembe na iri ti Christ; Nzapa wani laa airi ala na lege ti e: e voro ala na iri ti Christ, ala yeda titene songo akiri na popo ti ala na Nzapa.