Amato 16:12 - Mbeti ti Nzapa - Tënë so amu fini

¹² Be ti agbia ake mingi tënë ti sarango ye ti sioni, ngbanga ti so sarango ye ti mbirimbiri laa ayeke sara si mbata ti ala aluti mbirimbiri.

Amato 16:12 ပူးပေါင်းရင်းမြစ်များ

2 Mbai 17:5

KOTA GBIA asara si lengo-gbia ti lo akpengba. Azo ti Juda kue amu akadoo na Yosafat; nilaa lo wara mosoro mingi si azo agonda lo mingi.

Abia (Psaumes) 99:4

Ayeke nzoni azo agonda ngangu ti mo gbia, mo so mo ye fango ngbanga na legeni. Mo laa mo zia na sese atënë ti ndia. Mo laa mo zia na azo ti Israel tënë ti fango ngbanga na legeni na sarango ye ti mbirimbiri.

Amato 16:13

Be ti gbia anzere na azo so ayeke tene tënë ti mbirimbiri; lo ye azo so ayeke tene taa-tënë.

Amato 20:18

Tongana mo hunda anzoni wango, fade apialo ti mo ayeke ga nzoni; kozo titene mo londo ti gue na bira, ayeke nzoni mo leke gere ni nzoni si.

Amato 25:5

Zi azo ti sioni na tere ti gbia si fade lengo-gbia ti lo akpengba na lege ti sarango ye ti mbirimbiri.

Amato 28:9

Zo so akanga mê ti lo ti ma atënë ti Ndia, ataa sambela ti lo, be ti KOTA GBIA ayeke ke ni.

Amato 29:14

Gbia so ayeke fâ ngbanga ti azo ti mawa na legeni, fade lengo-gbia ti lo ayeke luti ngangu lakue.

Amato 29:4

Gbia so asara ye na lege ti mbirimbiri, ye ayeke ga nzoni na ya ti kodro; me lo so lo hunda lapo ahon ndoni, lo yeke buba kodro.

Nzoni Tënë so Luc asu na mbeti 12:48

Me zo ti kua so ahinga pepe ye so makonzi ti lo aye si lo sara ye so alingbi na pika, fade a yeke pika lo gi kete. Zo so a mu na lo ye mingi, fade a yeke kiri ti hunda ye na lo mingi; zo so a mu na lo ye mingi ti bata, fade a yeke hunda na lo ye mingi.”

Ndia ti fani use ni 25:16

Biani, zo so kue ayeke sara ye tongaso, zo so kue ayeke sara ye ti kirikiri, lo yeke zo ti sioni mingi na le ti KOTA GBIA Nzapa ti ala.

Aye so Nzapa afa 19:11

Na pekoni, mbi baa yanga ti yayu azi si mbeni vuru mbarata ayeke daa; iri ti lo so aduti na ndö ti mbarata ni ayeke “Zo ti batango tënë ti yanga ti lo” nga na “Zo ti tenengo taa-tënë.” Lo yeke fâ ngbanga na legeni si lo yeke tiri bira na lege ti mbirimbiri.