Amato 16:10 - Mbeti ti Nzapa - Tënë so amu fini

¹⁰ Gbia ayeke tene tënë na lege ti ngangu so a mu na lo. Tongana lo yeke fâ ya ti ngbanga, lo yeke mu mbage ti zo pepe.

Amato 16:10 ပူးပေါင်းရင်းမြစ်များ

Tongo nda ti aye 44:15

Joseph atene na ala, atene: “So sarango ye ti nyen laa ala sara so? Ala hinga atene zo tongana mbi so, mbi yeke gi nda ti aye so ayeke na hondengo ni pepe?”

Tongo nda ti aye 44:5

Kopo so kota zo ti mbi ayeke nyon na ye si lo yeke mu ti gi na nda ti aye so ayeke na hondengo ni so, ala nzi ni ngbanga ti nyen? Ye so ala sara so ayeke sioni.’ ”

2 Samuel 14:16

Fade gbia ayeke yeda ti soo mbi na molenge ti mbi na maboko ti zo so aye ti zi e na popo ti azo so Nzapa asoro ala.’

1 Agbia 3:28

Azo ti Israel kue ama tënë ti ngbanga so gbia Salomon afâ. Ala kpe mbeto ti gbia, ngbanga ti so ala baa so Nzapa amu na lo ndara ti fâ ngbanga mbirimbiri.

2 Mbai 26:16

Ndali ti so lo ga ngangu awe, lo ga zo ti baba; baba ni ague na lo ngbii abuba lo. Lo ga zo ti ke KOTA GBIA, Nzapa ti lo si mbeni lâ, lo li na ya ti kota da ti KOTA GBIA ti zö dukani na ndö ti gbalaka.

Abia (Psaumes) 99:4

Ayeke nzoni azo agonda ngangu ti mo gbia, mo so mo ye fango ngbanga na legeni. Mo laa mo zia na sese atënë ti ndia. Mo laa mo zia na azo ti Israel tënë ti fango ngbanga na legeni na sarango ye ti mbirimbiri.

Amato 29:4

Gbia so asara ye na lege ti mbirimbiri, ye ayeke ga nzoni na ya ti kodro; me lo so lo hunda lapo ahon ndoni, lo yeke buba kodro.

Osée 10:4

Ala yeke diko gba ti atënë, ala yeke deba ti mvene, ala yeke leke atënë ti *mbuki; me ti ala, tënë ti fango ngbanga ayeke tongana sioni pere ti fango zo so asigigi na ya ti yaka.

Amos 5:7

Ala sara si sarango ye na lege ti ndia aga tongana sioni yoro ti fango zo, ala yeke do na sese fango ngbanga ti mbirimbiri.

Amos 6:12

Laoko ambarata akpe loro na ndö ti akota têne? Laoko zo afâ yaka na abagara na ndö ti akota têne? Me ti ala, ala sara si sarango ye na lege ti ndia aga sioni yoro; ala sara si fango ngbanga ti mbirimbiri aga sioni yoro ti fango zo.