Amato 15:8 - Mbeti ti Nzapa - Tënë so amu fini

⁸ Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 15:8 ပူးပေါင်းရင်းမြစ်များ

2 Samuel 15:12

Na ndembe so Absalom ayeke mu asandaga, lo tokua azo na gbata ti Gilo ti iri Ahitofel, wamungo-wango ti David. Azo so amu peko ti Absalom, wungo ti ala ayeke gue guengo na nduzu, asara si lekengo tënë na hondengo ni na tere ti gbia aga ngangu mingi.

1 Agbia 3:10

Ye so Salomon ahunda so anzere na be ti KOTA GBIA.

1 Mbai 29:17

Nzapa ti mbi, mbi hinga so mo laa mo yeke baa ya ti be ti zo si mo yeda na ye so ayeke mbirimbiri. Ti mbi, na be so ayeke mbirimbiri laa mbi mu aye so kue na mo na be ti mbi wani. Fadeso, mbi yeke na ngia ti baa azo ti mo so abongbi ge ti mu ye na mo na be ti ala wani.

Abia (Psaumes) 141:2

Ayeke nzoni sambela ti mbi aga tongana dukani so guru ni ayeke ma na nduzu na dawa ti mo; maboko ti mbi so mbi yoro na nduzu aga tongana *sandaga ti lakui.

Abia (Psaumes) 17:1

Sambela ti David. *KOTA GBIA, ma tënë ti mbi, tënë ni ayeke na legeni; dingi mê ti mo, mo ma toto ti mbi na sambela ti mbi: tënë ti handango zo ayeke na yanga ti mbi pepe.

Amato 10:24

Ye so zo ti sioni asara mbeto ni, ni laa ayeke si na lo; me ye so azo ti mbirimbiri aye, a yeke mu ni na ala.

Amato 15:29

KOTA GBIA angba yongoro na tere ti azo ti sioni; me lo yeke ma sambela ti azo ti mbirimbiri.

Amato 15:7

Atënë ti zo ti ndara ayeke mu lege na zo ti hinga ye; me gbungo-li ti zo ti buba ayeke mbeni ye nde!

Amato 21:27

Sandaga ti azo ti sioni ayeke ye ti sioni mingi. Sandaga so ayeke sioni ahon ndoni ayeke ti so ala mu na sioni be.

Amato 21:3

Sarango ye ti mbirimbiri na sarango ye na legeni anzere na KOTA GBIA ahon mungo *sandaga.

Amato 28:9

Zo so akanga mê ti lo ti ma atënë ti Ndia, ataa sambela ti lo, be ti KOTA GBIA ayeke ke ni.

Zo ti bongbingo azo 5:1

Yanga ti mo ayapu na tenengo tënë hio hio pepe. Mo do tere ti mo ti mu zendo na Nzapa pepe, ngbanga ti so Nzapa ayeke na yayu si mo yeke ti mo na sese. Tongaso, ayeke nzoni mo diko gba ti atënë pepe.

B. ti abia 2:14

Mbipa ti mbi, mo so mo honde tere ti mo na ya ti adu ti têne so asuru so, na popo ti atêne so ayo na nduzu so, fa na mbi le ti mo, mbi baa si! Tene tënë, mbi ma go ti mo si! Biani, go ti mo apendere mingi si le ti mo apendere mingi.”

Ésaïe 61:8

Biani, mbi KOTA GBIA, mbi ye titene azo asara ye na lege ti ndia, me mbi ke titene a nzi ye ti zo na lege ti fango lo. Fade mbi yeke futa ala alingbi na ye so ala sara; mbi na ala e yeke sara *mbuki so angba lakue lakue.”

Ésaïe 66:3

Zo ayeke fâ bagara ti mu na *sandaga, me na mbage, lo yeke fâ zo; lo yeke fâ go ti taba, me na mbage, lo yeke mu mbo na sandaga; lo yeke mu sandaga ti farini, me na mbage, lo yeke mu mene ti nguru; lo yeke zö dukani na mbi, me na mbage, lo yeke voro ayanda. Azo so kue asoro lege ti ala wani, be ti ala anzere na afungo ye ti ala ni so.

Jérémie 6:20

Dukani so ala mu kâ na Saba a ga na ni na mbi so, nyen laa mbi yeke sara na ni, nyen? Pere ti sarango na yombo so afun nzoni si ala mu kâ na mbeni kodro yongoro aga na ni na mbi so, nyen laa mbi yeke sara na ni, nyen? Be ti mbi ake tënë ti asandaga ti ala so a yeke gbi ni kue na wâ; asandaga ti anyama ti ala anzere na mbi pepe.

Daniel 9:23

Gi so mo to nda ti voro tere ti mo na Nzapa, mbeni tënë asigigi. Nilaa mbi ga ti fa ni na mo, ngbanga ti so Nzapa aye mo. Ayeke nzoni mo ma tënë so nzoni si mo gi ti ma ya ti ye so mo baa na ya ti mbeni ye tongana bango-li so.

Awayango-sandaga 7:18

Kasa ti nyama so zo amu na KOTA GBIA ndali ti sandaga ti beoko, tongana zo ate ni na peko ti lango ota, KOTA GBIA ayeke yeda na sandaga ti zo ni pepe; sandaga ni ayeke ga mbeni ye senge. Zo so ate ni, ngbanga ti siokpari ni ayeke ti na li ti lo.

Mishe 6:6

“Fade mbi yeke gue na nyen na *KOTA GBIA, Nzapa ti nduzu tongana mbi kuku na gbe ti lo ti voro lo? Mbi mu *sandaga so agbi ni kue na wâ si mbi gue na ni na gbe ti lo? Mbi mu bagara ti ngu oko si mbi gue na ni?

Mishe 6:7

Akoli-taba gbani gbani laa KOTA GBIA ayeke ye tënë ni? Gba ti mafuta so ayeke sua tongana kota ngu? Fade mbi mu kozo molenge ti mbi na sandaga ndali ti sarango ye ti kirikiri ti mbi? Mbi mu molenge ti ya ti mbi wani ndali ti siokpari ti mbi?”

Aggée 2:14

Aggée akiri tënë: “So tënë ti yanga ti KOTA GBIA laa: ‘Azo ti kodro so ayeke gi tongaso. Mara so ayeke gi tongaso na le ti mbi. Aye ti maboko ti ala kue ayeke gi tongaso; aye so ala yeke mu na mbi na sandaga aga *sioni awe.’ ”

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

Jean 4:24

Nzapa ayeke Yingo; azo so ayeke voro lo, ayeke nzoni ala voro lo na lege ti Yingo nga na lege ti taa-tënë.”