Amato 15:4 - Mbeti ti Nzapa - Tënë so amu fini

⁴ Tënë so ayeke mu ngangu na be ti zo ayeke tongana keke so ayeke mu fini na zo; tënë ti handa asara si be ti zo afun.

Amato 15:4 ပူးပေါင်းရင်းမြစ်များ

Abia (Psaumes) 109:22

Mbi yeke wayere, mbi yeke zo ti mawa, be ti mbi afâ ka na ya ni kâ.

Amato 10:11

Atënë ti zo ti mbirimbiri ayeke tongana li ti ngu so ayeke mu fini na zo; me atënë ti zo ti sioni ahonde aye ti sarango ngangu na zo.

Amato 12:18

Zo so ayeke diko atënë gbani gbani, atënë ni ayeke kpo zo tongana yongoro zeme; me atënë ti azo ti ndara ayeke tongana yoro ti kaingo na kobela.

Amato 15:3

Le ti KOTA GBIA asi na ndo kue; lo yeke baa azo ti sioni na azo ti nzoni.

Amato 15:5

Zo ti buba abaa ye so babâ ti lo agboto mê ti lo daa tongana mbumbuse ye; me zo so aye titene a suku na lo, lo yeke zo ti hango le.

Amato 16:24

Anzerengo tënë ayeke tongana mafuta ti wotoro; anzere na yanga ti zo si ayeke sara titene zo aduti na nzoni tere.

Amato 18:14

Zo so nzara ti be ti lo ayeke ti ngba na fini, fade lo yeke hon ndö ti kobela so ayeke sara lo. Me tongana be ti lo awoko, zo wa laa ayeke kiri ti mu ngangu na lo, zo wa?

Amato 18:8

Atënë ti mvene so zo adu na iri ti mba ti lo ayeke tongana mbeni nzerengo kobe; atënë ni ayeke li zo ngbii asi na be ti lo.

Amato 26:22

Atënë ti mvene so zo adu na iri ti mba ti lo ayeke tongana mbeni nzerengo kobe; atënë ni ayeke li zo ngbii asi na be ti lo.

Amato 3:18

Ndara ayeke tongana keke so ayeke mu fini na azo so asara ye alingbi na ni. Lo yeke zia ngia na be ti azo so awara ni.

1 Timothée 6:3

Zo so ayeke fa mbeni ye nde, tënë ti lo ague nde na ti *Kota Gbia ti e Jésus Christ si alingbi na nzoni lege ti vorongo Nzapa pepe,

Aye so Nzapa afa 2:7

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo lege ti te le ti keke so ayeke mu fini na zo si ayeke na ya ti *paradi ti Nzapa.”