Amato 15:32 - Mbeti ti Nzapa - Tënë so amu fini

³² Zo so ake wango abi tere ti lo na sese; me zo so aye titene a gboto mê ti lo, lo yeke ga zo ti hingango ndo.

Amato 15:32 ပူးပေါင်းရင်းမြစ်များ

Abia (Psaumes) 50:17

Andaa mo ke atënë ti gbotongo mê ti mo so mbi gboto si mo do na gere atënë ti yanga ti mbi.

Amato 1:7

Kpengo mbeto ti KOTA GBIA ayeke tongo nda ti hingango ye. Gi azo ti buba laa abaa ndara na anzoni wango na le ti ala tongana mbumbuse ye.

Amato 10:17

Zo so ama wango, lo yeke mu lege ti fini; me zo so ake titene a gboto mê ti lo, lo girisa lege.

Amato 13:18

Zo so ake titene a gboto mê ti lo, fade lo yeke ga wayere si azo ayeke baa lo tongana mbumbuse zo; me zo so aye titene a suku na lo, azo ayeke ne lo.

Amato 15:14

Zo so ayeke gbu li ti lo ayeke gi lege ti hinga ye; me ti azo ti buba, ye ti buba laa aga kobe ti ala ti tengo ni.

Amato 15:21

Zo so li ti lo ayeke daa pepe awara ngia na lege ti aye ti buba; me zo so ahinga ndo amu lege so ayeke mbirimbiri.

Amato 15:31

Zo so adingi mê ti lo ti ma atënë ti gbotongo mê so ayeke mu fini na zo, lo yeke duti na popo ti azo ti ndara.

Amato 15:33

Kpengo mbeto ti KOTA GBIA ayeke fa na zo lege ti dutingo na ndara. Kozo titene zo awara gonda, ayeke nzoni lo sara tere ti lo kete si.

Amato 15:5

Zo ti buba abaa ye so babâ ti lo agboto mê ti lo daa tongana mbumbuse ye; me zo so aye titene a suku na lo, lo yeke zo ti hango le.

Amato 17:16

Nginza ayeke sara nyen na maboko ti zo ti buba? Lo ye ti vo na ndara? Ka so li ti lo ayeke daa pepe so!

Amato 18:15

Zo ti gbungo-li ayeke gi lege ti hinga ye; zo ti ndara ayeke gi lege ti ma atënë so ayeke fa ye na lo.

Amato 19:20

Mo ma awango, mo yeda na aye so a yeke fa na mo; na ndani, fade mo yeke ga zo ti ndara.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Zo ti bongbingo azo 7:5

Mango zo ti ndara so agboto mê ti mo ayeke nzoni ahon mango zo ti buba so ahe bia ti gonda na mo.

Ésaïe 1:5

So ala ngba ti sara ngangu li so, fade lo yeke kiri ti pika ala na ndo wa? Li ti ala kue gi ka, be ti ala kue gi kobela.

Ésaïe 3:9

Ala yeke mu mbage ti ambeni zo, so laa ayeke bi tënë na li ti ala; ala yeke sara asiokpari gi polele tongana ti azo ti Sodome, ala yeke sara ni na hondengo ni pepe. So mawa na ala! Ala wani ayeke leke ye ti mawa ndali ti ala.

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Ndia ti fani use ni 21:18

Moïse atene: Mbeni ye tongaso alingbi ti si: mbeni zo alingbi ti duti na molenge-koli so ayeke zo ti ngangu li, lo yeke tomboka na tere ti babâ na mama ti lo; lo yeke ma yanga ti babâ na mama ti lo pepe. Ataa so ala pika lo, lo yeke ma ala pepe.

Ndia ti fani use ni 21:20

Fade ala yeke tene na akangba ni, atene: “Baa, so molenge ti e laa! Lo yeke molenge ti ngangu li, lo tomboka na tere ti e; lo yeke ma yanga ti e pepe. Lo yeke zo ti tengo ye ahon ndoni si lo yeke ngbaa ti samba.”

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.

Jacques 1:22

Ala handa tere ti ala pepe: ala ma tënë ti Nzapa gi na mê pepe, me ala sara ye alingbi na ni.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!