Amato 15:30 - Mbeti ti Nzapa - Tënë so amu fini

³⁰ Le ti zo so ayeke na ngia ayeke mu ngia na be ti zo; nzoni sango ayeke mu ngangu na zo.

Amato 15:30 ပူးပေါင်းရင်းမြစ်များ

Esdras 9:8

Me fadeso, gi na ya ti kete ngoi, KOTA GBIA Nzapa ti e, mo sara nzoni be na e. Mo sara si ambeni zo na popo ti e angba na fini si ala kiri ti duti na sese so mo zia ni nde ndali ti mo. Nilaa mo Nzapa ti e, mo zi le ti e, mo sara si e wara pasa ti duti na fini, ataa so e yeke na gbe ti ngbaa.

Abia (Psaumes) 89:15

Gere ti mbata ti mo ti gbia aluti na ndö ti ye ti mbirimbiri na fango ngbanga ti mbirimbiri. Na ndo so kue mo yeke gue daa, nzoni be na taa-tënë laa amu dawa ti mo.

Amato 12:25

Gingo be asara si be ti zo awoko; me nzoni tënë asara si be ti lo asi singo na ngia.

Amato 13:9

Zo ti mbirimbiri ayeke tongana lumiere so aza si azo awara ngia; zo ti sioni ayeke tongana lamba so aga nduru ti mingo.

Amato 15:29

KOTA GBIA angba yongoro na tere ti azo ti sioni; me lo yeke ma sambela ti azo ti mbirimbiri.

Amato 15:31

Zo so adingi mê ti lo ti ma atënë ti gbotongo mê so ayeke mu fini na zo, lo yeke duti na popo ti azo ti ndara.

Amato 17:22

Be ti zo so ayeke na ngia asara si kobela ti lo akai; me be ti zo so ayeke na vundu asara si ngangu atia lo.

Amato 25:25

Nzoni sango so alondo na yongoro ndo si aga ayeke tongana ngu ti de ndali ti zo so nzara ti ngu ahon ndö ti lo.

Amato 3:8

Fade ayeke ga yoro ndali ti tere ti mo; ayeke sara si mo kiri mo wara ngangu.

Zo ti bongbingo azo 11:7

Vurungo ndo anzere; dutingo na fini ayeke nzoni ye mingi.

Ésaïe 58:11

KOTA GBIA ayeke ngba lakue ti fa lege na mo. Ataa na benyama, lo yeke mu na mo kobe, mo te ya ti mo asi, lo yeke kiri ti mu ngangu na mo. Mo yeke ga tongana yaka so a tuku ngu daa, mo yeke ga tongana li ti ngu so ngu ni ayeke hole pepe.

Aye so Nzapa afa 21:23

Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.

Aye so Nzapa afa 22:5

Ndo ayeke kiri ti vuko na ndo ni so pepe, azo ayeke ku zango ti lamba wala sungo ti lâ ti baa ndo na ni pepe, ngbanga ti so *Kota Gbia Nzapa ayeke su na ndö ti ala. Ala yeke le-gbia kpu na kpu.