Amato 15:25 - Mbeti ti Nzapa - Tënë so amu fini

²⁵ KOTA GBIA ayeke kungbi na sese da ti azo ti baba; me lo yeke bata sese ti wali-mua titene zo andu ni pepe.

Amato 15:25 ပူးပေါင်းရင်းမြစ်များ

Mbeti ti Job 24:21

Ye ni asi, ngbanga ti so awali so alingbi ti du pepe so, azo ti sioni asara pasi na ala; ala sara nzoni be na awali-mua pepe.

Abia (Psaumes) 10:14

KOTA GBIA, mo baa ye kue: mo yeke baa azo so ayeke baa pasi na azo ti mawa; mo ye ti mu tënë ti ala na maboko ti mo. Zo so ayeke na ngangu pepe, lo zia be ti lo kue na ndö ti mo; mo laa mo yeke mu maboko na nyindu.

Abia (Psaumes) 138:6

Ataa so KOTA GBIA ayeke na nduzu kâ, lo yeke baa azo so asara tere ti ala kete, lo hinga zo ti baba, ataa so lo ngba yongoro kâ.

Abia (Psaumes) 146:9

KOTA GBIA ayeke bata awande, lo yeke mu maboko na nyindu nga na wali-mua, me lo yeke sara si azo ti sioni agirisa lege.

Abia (Psaumes) 52:1

Bia so ayeke ndali ti makonzi-bia; bia ti fango ye na zo; bia ti David.

Abia (Psaumes) 52:5

Mo ye ti mo sioni ye ahon nzoni ye; mo ye tënë ti mvene ahon taa-tënë. Luti kete

Amato 12:7

Tongana a kinda azo ti sioni na sese, ala yeke daa mbeni pepe; me sewa ti azo ti mbirimbiri ayeke ngba ti kpengba.

Amato 14:11

Fade a yeke kungbi na sese da ti azo ti sioni; me azo so sarango ye ti ala ayeke na legeni, da ti ala ayeke si singo na anzoni ye.

Amato 15:26

Be ti KOTA GBIA ake mingi tënë ti sioni pialo; me atënë so zo atene na nzoni be, sioni ye oko ayeke daa pepe.

Amato 23:10

Atêne so a lu ando ti sara na maka ti yaka, mo zi ni ti pusu na dawa pepe; mo nzi mbage ti sese ti anyindu pepe.

Ésaïe 1:17

Ala manda ti sara nzoni ye; ala gi lege ti fâ ngbanga ti mbirimbiri. Ala kanga lege na zo so asara ngangu na azo; ala fâ ngbanga ti nyindu na legeni; ala gbu koko ti wali-mua.”

Ésaïe 2:12

Biani, KOTA GBIA so ayeke na ndö ti dunia kue, mbeni lango ti lo ayeke ga so lo yeke fâ ngbanga na li ti azo ti pikango kate, azo so ayeke ya iri ti ala nga na azo so abaa atene, ala hon amba ti ala so; lo yeke kiri ala na kete ndo.

Jérémie 5:28

Ala kono mingi si tere ti ala ayeke za zango. Ala hon azo kue na sarango sioni. Ala yeke fâ ngbanga na legeni pepe; ala yeke baa tënë ti nyindu na legeni pepe; tongaso pepe, ka nyindu ni abaa nzoni. Ala yeke baa tënë ti awayere na legeni pepe.

Daniel 5:20

Me na pekoni, pikango kate ahon ndö ti lo si lo baa tere ti lo kota ahon azo kue. Tongaso Nzapa azi lo na ndö ti mbata ti gbia si azo akiri ane lo pepe.

Ndia ti fani use ni 19:14

Moïse atene: Ala azo ti Israel, na kodro so *KOTA GBIA Nzapa ti ala ayeke mu na ala titene aga ti ala, fade ala yeke wara asese. Atêne so azo so aga kozoni alu ti fa maka ti sese ti ala na ti azo so ayeke nduru na ala, alingbi ala zi ni ti pusu na dawa pepe.

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”