Amato 15:13 - Mbeti ti Nzapa - Tënë so amu fini

¹³ Be ti zo so ayeke na ngia asara si le ti lo ayeke na ngia; me tongana zo ayeke na vundu, be ti lo awoko kue.

Amato 15:13 ပူးပေါင်းရင်းမြစ်များ

Néhémie 2:2

Tongaso gbia ahunda mbi, atene: “Ngbanga ti nyen si le ti mo ayeke na ngia pepe so? Ka so tere ti mo aso pepe so! Mbeni ye ayeke so be ti mo?” Mbeto asara mbi mingi.

Amato 12:25

Gingo be asara si be ti zo awoko; me nzoni tënë asara si be ti lo asi singo na ngia.

Amato 14:30

Be so ayeke na siriri ayeke mu nzoni tere na zo; me sarango mbanda ayeke tongana mbeni sioni kobela so ayeke te zo na ya ti bio.

Amato 15:15

Ti zo ti mawa, alango kue ayeke sioni; me zo so gigi anzere na lo, lo yeke na ya ti matanga lakue.

Amato 17:22

Be ti zo so ayeke na ngia asara si kobela ti lo akai; me be ti zo so ayeke na vundu asara si ngangu atia lo.

Amato 18:14

Zo so nzara ti be ti lo ayeke ti ngba na fini, fade lo yeke hon ndö ti kobela so ayeke sara lo. Me tongana be ti lo awoko, zo wa laa ayeke kiri ti mu ngangu na lo, zo wa?

Jean 14:1

Jésus atene na ala: “Ala gi be ti ala pepe; ala ma na be na Nzapa, ala ma na be na mbi nga.

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

2 Korente 2:7

Ndani laa, ti fadeso alingbi ala zi tënë na li ti lo, ala de be ti lo, tongaso si vundu akiri ahon ndö ti lo pepe.

2 Korente 7:10

Vundu so Nzapa ayeda na ni ayeke sara titene zo azia ngbene lege ti sarango ye ti lo si lo lingbi ti soo kuâ. Mara ti vundu so, be ti zo alingbi ti so daa pepe. Me vundu so asara si zo azia ngbene lege ti sarango ye ti lo pepe, ni laa ayeke gue na zo na kuâ.