Amato 14:8 - Mbeti ti Nzapa - Tënë so amu fini

⁸ Zo ti hango le ayeke sara hange na lege ti dutingo ti lo: so zo ti ndara laa. Me zo ti buba ayeke handa azo: so zo ti buba laa.

Amato 14:8 ပူးပေါင်းရင်းမြစ်များ

Abia (Psaumes) 111:10

Kpengo mbeto ti KOTA GBIA ayeke tongo nda ti dutingo na ndara. Azo so kue akpe mbeto ti lo ayeke azo ti hingango ndo. Gonda ti lo angba kpu na kpu.

Abia (Psaumes) 119:5

Ayeke nzoni tambula ti mbi ague mbirimbiri titene mbi sara ye alingbi na ambela ti mo.

Abia (Psaumes) 119:73

Maboko ti mo asara mbi si agbu mbi na nduzu; sara si mbi hinga ndo si mbi manda atënë ti ndia ti mo.

Abia (Psaumes) 143:8

Gi na ndaperere, tene na mbi tënë ti nzoni be ti mo, ngbanga ti so mbi zia be ti mbi na ndö ti mo; fa na mbi lege so mbi lingbi ti tambula daa, ngbanga ti so mbi yeke baa ndo gi na mo.

Amato 11:18

Futa so zo ti sioni awara ayeke senge ye; me zo so asara ye ti mbirimbiri, lo yeke wara nzoni ye na peko ni biani.

Amato 12:5

Tënë ti be ti azo ti mbirimbiri ayeke sarango ye na lege ti ndia; me ti azo ti sioni, ala ye gi handango azo.

Amato 15:21

Zo so li ti lo ayeke daa pepe awara ngia na lege ti aye ti buba; me zo so ahinga ndo amu lege so ayeke mbirimbiri.

Amato 2:9

Molenge ti mbi, tongana mo ma mbi, fade mo yeke hinga, mo tene, sarango ye ti mbirimbiri, sarango ye na lege ti ndia na sarango ye na legeni ayeke sara si zo abaa nzoni daa.

Amato 8:20

Mbi yeke tambula na ndö ti lege ti mbirimbiri, na ndö ti lege so alingbi na ndia.

Zo ti bongbingo azo 2:13

Mbi baa so nzoni ye so zo ayeke wara na peko ti ndara ahon ti buba, tongana ti so nzoni ye so zo ayeke wara ndali ti vurungo ndo ahon ti vukongo ndo.

Zo ti bongbingo azo 2:16

Aye so kue ayeke si, na ya ti alango so ayeke ga, azo ayeke girisa ni kue. Zo ti ndara na zo ti buba, fade ala use kue ayeke kui; iri ti ala ayeke ngba lakue lakue na popo ti azo pepe. So kue ngbanga ti nyen?

Jérémie 13:20

“Jérusalem, yo le ti mo na nduzu, mo baa ndo: awato ti mo alondo na mbage ti Banga si ayeke ga Azo so lani a mu ala na mo titene mo bata ala so ayeke na ndo wa? Ataba so lani mo yeke pika kate ti mo ndali ti ala so ayeke na ndo wa?

1 Korente 3:19

Biani, ndara ti azo ti dunia so ayeke ye ti buba na le ti Nzapa. A su na ya ti Mbeti ti Nzapa, atene: “Lo yeke gbu azo ti ndara na lege ti mayere ti ala wani.”

Efeze 4:22

Tongaso, alingbi ala zia ngbene lege ti dutingo ti ala. Ando, anzara ti be ti ala ayeke handa ala si ayeke buba ala. Alingbi ala zia ngbene dutingo ti ala ti zo tongana ti so zo ayeke zi gbagba bongo na tere ti lo.

Efeze 5:17

Ndani laa, ala duti tongana abuba zo pepe, me ala gi lege ti hinga ye so Kota Gbia aye.

2 Timothée 3:13

Ti azo ti sioni na azo ti handango amba ti ala, fade ala yeke ngba ti sara sioni ti gue na ni; ala yeke handa azo si azo ayeke handa nga ala.

Jacques 3:13

Mbeni zo ti ndara na ti hingango ndo ayeke na popo ti ala? Ayeke nzoni lo fa ni na lege ti nzoni dutingo ti lo nga na sarango aye ti lo so lo yeke sara na ndara, me na ngangu pepe.