Amato 14:32 - Mbeti ti Nzapa - Tënë so amu fini

³² Zo ti sioni ayeke ti ndali ti sioni sarango ye ti lo; ti zo ti mbirimbiri, ataa lo gue ti kui, be ti lo awoko pepe.

Amato 14:32 ပူးပေါင်းရင်းမြစ်များ

Tongo nda ti aye 49:18

*KOTA GBIA, mbi yeke ku songo so mo yeke soo azo na kuâ.

Mbeti ti Job 13:15

Biani, lo lingbi ti fâ mbi senge, nyen laa aso mbi, nyen? Me mbi ye ti fa na le ti lo so sarango ye ti mbi ayeke sioni pepe.

Mbeti ti Job 18:18

A yeke mu lo na popo ti azo so angba na fini, a bi lo na ndo ti akuâ so avuko vukongo; a yeke tumba lo na ndö ti sese.

Abia (Psaumes) 16:11

Mo yeke fa na mbi lege ti duti na fini; na dawa ti mo, ngia asi singo, na mbage ti maboko ti mo ti koli, anzerengo ye ayeke daa kpu na kpu!

Abia (Psaumes) 17:15

Ti mbi, fade mbi yeke baa le ti mo, ngbanga ti so mbi yeke mbirimbiri. Tongana mbi zingo na lango, mbi yeke baa le ti mo, mbi yeke baa ni ngbii be ti mbi ade.

Abia (Psaumes) 23:4

Ataa mbi hon na popo-hoto so avuko pitipiti, mbeto ti sioni ye oko asara mbi pepe, ngbanga ti so mo KOTA GBIA, mo yeke na mbi. Na keke ti mo ti wabatango-taba, mo yeke fa lege na mbi, mo yeke bata mbi; ye so ayeke mu ngangu na be ti mbi laa!

Abia (Psaumes) 37:37

Mo baa zo so alingbi kue, mo baa zo so sarango ye ti lo ayeke na legeni: zo so aye tënë ti siriri, fade ahale ti lo ayeke duti nzoni.

Abia (Psaumes) 58:9

Ayeke nzoni ala ga tongana ngonzâ so akui si azia dongo ti tere ti lo na sese. Ayeke nzoni ala ga tongana akete molenge so a du ala na kuâ ni si ala baa lâ pepe.

Abia (Psaumes) 73:24

mo yeke fa lege na mbi alingbi na ye so mo leke na be ti mo, na pekoni, fade mo yeke yamba mbi na gonda.

Amato 11:5

Mbirimbiri ti zo so sarango ye ti lo ayeke na legeni ayeke sara si fini ti lo aduti mbirimbiri; me sarango sioni ti zo ti sioni asara si lo ti.

Amato 14:33

Ndara ayeke duti na be ti zo ti hingango ndo. Me alingbi ti wara ndara na popo ti azo ti buba laa?

Amato 24:16

Biani, zo ti mbirimbiri alingbi ti ti fani mbarambara, me fade lo yeke londo. Azo ti sioni ayeke ti ti ala biani biani na ya ti kpale.

Amato 5:22

Sarango ye ti kirikiri ti zo wani laa akanga lo; siokpari ti lo agbu lo tongana kuku.

Amato 6:15

Ndani laa, fade ye ti ngangu ayeke si na lo gi hio tongaso, a yeke buba dutingo ti lo gi hio tongaso, mbeni ye ti sara si lo kiri lo ga nzoni ayeke daa pepe.

Nzoni Tënë so Luc asu na mbeti 2:29

“Kota Gbia, fadeso mo sara ye alingbi na tënë ti yanga ti mo awe: tongaso mo zia lege na zo ti kua ti mo ti gue na siriri.

Jean 8:21

Jésus akiri atene na ala: “Mbi yeke gue; fade ala yeke gi mbi, me ala yeke kui na ya ti siokpari ti ala. Ala lingbi ti gue pepe na ndo so mbi yeke gue daa.”

Jean 8:24

Ndani laa mbi tene na ala, mbi tene, ala yeke kui ande na ya ti siokpari ti ala. Biani, tongana ala ma na be pepe so ‘Mbi Yeke’, fade ala yeke kui na ya ti siokpari ti ala.”

Rome 9:22

Nzapa aye ti fa ngonzo ti lo na azo si lo ye ti sara si ala hinga ngangu ti lo. Andaa azo so lo sara ngonzo na tere ti ala si ala yeke nduru titene lo fâ ngbanga ti kuâ na li ti ala, lo kanga be ti lo mingi na ala,

2 Korente 1:9

E baa ti e, e tene, a fâ ngbanga ti kuâ na li ti e awe. Me ye ni asara si e kiri e zia be ti e na ndö ti ngangu ti e wani pepe, me e zia be ti e na ndö ti Nzapa so ayeke zingo azo na kuâ.

2 Korente 5:8

Be ti e awoko oko pepe, e ye mingi ti zia tere so e yeke na ni so ti gue ti duti na tere ti Kota Gbia.

Filipe 1:21

Ti mbi, taa fini ayeke Christ si na le ti mbi, kuâ ayeke lege ti warango ye!

Filipe 1:23

Be ti mbi ayeke use use: mbi yeke na nzara ti gue ti duti na tere ti Christ, so laa ayeke nzoni ahon ye kue.

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

2 Timothée 4:18

Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.

Aye so Nzapa afa 14:13

Mbi kiri mbi ma mbeni go so alondo na yayu, atene: “Su tënë so na mbeti, mo tene: ‘Ti ala nzoni, azo so angba na lege ti kua ti *Kota Gbia si ala kui fadeso! Yingo atene: Biani, fade ala yeke wu tere ti ala na peko ti aye so ala sara, ngbanga ti so aye so ala sara ayeke mu peko ti ala.’ ”