Amato 14:31 - Mbeti ti Nzapa - Tënë so amu fini

³¹ Zo so asara ngangu na wayere, lo zonga Nzapa so asara lo; me zo so abaa mawa ti zo ti mawa, andaa lo ne Nzapa.

Amato 14:31 ပူးပေါင်းရင်းမြစ်များ

Mbeti ti Job 24:4

Ala yeke tumba awayere na tere ti lege; ti azo ti mawa kue ti kodro, ye so angba na ala ayeke gi ti honde tere ti ala.

Abia (Psaumes) 12:5

na ala so ayeke tene: “Ndali ti kpengbango yanga ti e, fade e yeke hon ndö ti azo kue; ndali ti tënë ti yanga ti e, mbeto ti mbeni zo ayeke sara e pepe.”

Amato 14:21

Zo so abaa mba ti lo tongana mbumbuse zo, andaa lo sara siokpari; me ti lo nzoni, zo so ayeke baa mawa ti awayere!

Amato 17:5

Zo so ahe wayere, andaa lo he lo so asara lo. Zo so, tongana mbeni ye ti ngangu asi na mba ti lo si tere ti lo anzere daa, fade a yeke zia peko ni senge na lo pepe.

Amato 19:17

Zo so abaa mawa ti wayere, andaa boon laa zo ni asara na KOTA GBIA; fade KOTA GBIA ayeke kiri peko ni na lo.

Amato 22:16

Zo so asara ngangu na wayere, lo sara si wayere ni aga kota zo. Zo so amu ye na zo ti mosoro, fade ye atia lo.

Amato 22:2

Ye so abongbi zo ti mosoro na wayere ayeke so: KOTA GBIA laa asara ala use kue.

Amato 28:8

Mbeni zo aye ti ga zo ti mosoro; lo yeke sara boon ti nginza na azo titene azo ni azia gba ti nginza na ndö ni si akiri na ni na lo. Me fade mosoro ni so ayeke gue na maboko ti zo so ayeke baa mawa ti awayere.

Zo ti bongbingo azo 5:8

Sese ayeke mu ye na azo kue. Ataa gbia ti kodro ayeke wara ye ti lo gi na lege ti fango yaka.

Awayango-sandaga 25:17

Ayeke nzoni mbeni zo oko na popo ti ala asara mbana na mba ti lo pepe; ye so ayeke fa atene, ala yeke kpe mbeto ti mbi, Nzapa ti ala laa. Mbi laa mbi yeke KOTA GBIA, Nzapa ti ala.

Awayango-sandaga 25:35

“Tongana mba ti ala aga wayere si lo wara lege ti kiri na yongo ti ala pepe, alingbi ala mu maboko na lo, tongaso si lo ngba ti duti na tere ti ala. Ala sara nga gi mara ti ye so na wande so aduti na popo ti ala, wala na wande so aga ndali ti mbeni kete ngoi.

Jean 12:8

Azo ti mawa ayeke duti lakue na popo ti ala; me mbi, mbi yeke duti lakue na popo ti ala pepe.”

Ndia ti fani use ni 24:14

Moïse atene: Alingbi ala sara ngangu pepe na wayere so ayeke sara kua ti nginza na ala si lo yeke zo ti mawa; ataa lo yeke ita ti ala, zo ti Israel, wala lo yeke wande so aduti na ya ti agbata ti ala, na sese ti ala.

1 Jean 4:21

Ndia so Christ amu na e ayeke so: zo so aye Nzapa, alingbi lo ye nga ita ti lo.