Amato 14:29 - Mbeti ti Nzapa - Tënë so amu fini

²⁹ Zo so asara ngonzo hio hio pepe, lo hinga ndo mingi; me zo so be ti lo ayeke wâ wâ, lo yeke fa buba ti lo na le ti azo.

Amato 14:29 ပူးပေါင်းရင်းမြစ်များ

Amato 14:17

Zo so ayeke sara ngonzo hio hio, lo yeke sara aye ti buba. Be ti azo ake zo ti sarango ye na mayere.

Amato 14:28

Iri ti gbia ti mbeni kodro ayeke gue na nduzu tongana azo ti kodro ti lo ayeke gbani gbani; kodro so azo ayeke daa pepe, gbia ni ati awe.

Amato 15:18

Zo so be ti lo wâ wâ asara si papa alondo; me zo so ayeke kanga be ti lo asara si tiri akai.

Amato 16:32

Zo so ayeke sara ngonzo hio hio pepe, lo yeke nzoni lo hon mbeni ngangu zo ti bira. Zo so akanga anzara ti be ti lo, lo yeke nzoni lo hon zo so amu mbeni gbata na bira.

Amato 17:27

Zo so le ti lo azi, lo yeke diko tënë mingi pepe; zo so aduti gi kpoo ayeke zo ti hingango ndo.

Amato 19:11

Zo ti hingango ndo ayeke sara ngonzo hio hio pepe; tongana azo asara sioni na lo si lo baa ni tongana ye pepe, tongaso laa lo yeke ne tere ti lo.

Amato 25:28

Zo so ayeke ngangu na lo titene lo kanga ngonzo ti lo, lo yeke tongana mbeni gbata so ngangu gbagba ayeke na tere ni pepe.

Amato 25:8

Ye so mo baa na le ti mo, mo mu tënë ni hio ti gue na ni na gbe ti ngbanga pepe. Tongaso pepe, tongana zo so tënë ni abaa lo ague, abi kamene na le ti mo, fade mo yeke kiri ti sara nyen?

Amato 4:8

Gbu ndara na tere ti mo, fade lo yeke sara si mo ga kota; gbu ndara na kate ti mo, lo yeke sara si mo wara gonda.

Zo ti bongbingo azo 10:6

lo mu azo ti buba na nduzu mingi si akota zo aduti na gbeni.

Zo ti bongbingo azo 7:8

Hunzingo mbeni ye ayeke nzoni ahon tongo nda ni; kangango be ayeke nzoni ahon sarango baba.

Zo ti bongbingo azo 7:9

Alingbi mo sara ngonzo hio hio pepe; azo ti buba laa ayeke sara ngonzo hio hio.

Wungo ti azo 12:3

Moïse ayeke mbeni zo so ayeke sara tere ti lo kete mingi; mbeni zo na sese so ti sara tere ti lo kete ti lingbi na lo ayeke daa pepe.

Matthieu 11:29

Ala yeda ti yo *zuge ti mbi, ala manda ye so mbi fa na ala, ngbanga ti so mbi yeke zo so mbi yeke sara ngangu na zo pepe si mbi yeke gi kota ndo pepe. Fade ala yeke wara lege ti wu tere ti ala.

Matthieu 2:16

So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.

Jacques 1:19

A-ita ti mbi so mbi ye ala mingi, ala dabe ti ala na tënë so: alingbi zo oko oko azi mê ti lo hio ti ma na tënë, me alingbi lo tene tënë hio hio pepe, lo sara ngonzo hio hio pepe.