Amato 14:23 - Mbeti ti Nzapa - Tënë so amu fini

²³ Kua kue, futa ni ayeke daa; me zo so ayeke diko gi atënë senge senge, lo yeke ga wayere.

Amato 14:23 ပူးပေါင်းရင်းမြစ်များ

Mbeti ti Job 28:10

Na ya ti atêne, azo akoro gba ti lege; amosoro kue ti ngangu ngere, ala baa na le ti ala.

Amato 10:10

Zo so ate le na amba ti lo, lo zia vundu na be ti azo; me zo so ayeke diko abuba tënë, lo yeke gi titene gigi ti lo abuba.

Amato 12:24

Zo so maboko ti lo agbu kua ngangu, fade lo yeke sara komandema; me zo ti sopo ayeke ga ngbaa.

Amato 14:22

Zo so aleke na be ti lo ti sara sioni ye, lo girisa lege biani. Me zo so aleke na be ti lo ti sara nzoni ye, azo ayeke sara nzoni be na lo si ala yeke zia be ti ala na ndö ti lo.

Amato 14:24

Mosoro ayeke nzoni ye so azo ti ndara ayeke wara; me ye ti buba ti azo ti buba ayeke gi ye ti buba.

Amato 28:19

Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, yere ayeke hon ndö ti lo.

Zo ti bongbingo azo 3:9

Zo so asara kua, nyen laa lo yeke wara na peko ti pasi so lo baa, nyen?

Zo ti bongbingo azo 5:3

Tongana mo mu zendo ti sara mbeni ye na Nzapa, ayeke nzoni mo sara ye ni hio, ngbanga ti so Nzapa aye azo ti buba pepe. Tongana mo mu zendo awe, ayeke nzoni mo sara ye ni.

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

1 Timothée 5:13

Gi so oko pepe: ala yeke duti gi senge senge tongaso si ala mu gi kua ti fonongo na ya ti ada oko oko; na ndö ni, ala kiri ayeke diko atënë mingi mingi si ala yeke yoro yanga ti ala na ya ti tënë ti azo, ala yeke tene atënë ti kirikiri mingi.