Amato 14:22 - Mbeti ti Nzapa - Tënë so amu fini

²² Zo so aleke na be ti lo ti sara sioni ye, lo girisa lege biani. Me zo so aleke na be ti lo ti sara nzoni ye, azo ayeke sara nzoni be na lo si ala yeke zia be ti ala na ndö ti lo.

Amato 14:22 ပူးပေါင်းရင်းမြစ်များ

Tongo nda ti aye 24:27

lo tene: “Mbi mu singila na KOTA GBIA, Nzapa ti wa ti mbi Abraham, ndali ti so lo zia wa ti mbi pepe, lo ngba lakue ti sara nzoni, ti bata tënë ti lo na wa ti mbi. KOTA GBIA afa lege na mbi ngbii, mbi si na da ti a-ita ti wa ti mbi.”

2 Mbai 6:8

KOTA GBIA atene na lo: ‘Mo leke na be ti mo ti sara da ndali ti mbi, so nzoni mingi.

Abia (Psaumes) 25:10

Alege ti KOTA GBIA kue afa so lo yeke bata tënë ti yanga ti lo si lo yeke tene taa-tënë na azo so abata atënë ti mbuki ti lo.

Abia (Psaumes) 36:4

Tënë ti yanga ti lo kue gi mvene, tënë ti yanga ti lo gi ti handango zo; lo girisa lege ti ndara awe, lo girisa lege ti sarango nzoni ye awe.

Abia (Psaumes) 61:7

Kiri mo zia mbeni lango na ndö ti fini ti gbia; sara si lo duti na gigi ngu na ngu!

Amato 12:2

Nzapa ayeke sara nzoni be na zo ti sarango nzoni; me lo yeke fâ ngbanga na li ti zo ti sarango ye na mayere.

Amato 12:26

Zo ti mbirimbiri ayeke fa nzoni lege na mba ti lo; me lege ti zo ti sioni asara si lo girisa lege.

Amato 14:17

Zo so ayeke sara ngonzo hio hio, lo yeke sara aye ti buba. Be ti azo ake zo ti sarango ye na mayere.

Amato 14:23

Kua kue, futa ni ayeke daa; me zo so ayeke diko gi atënë senge senge, lo yeke ga wayere.

Amato 19:22

Ye so a yeke ku na mbage ti zo ayeke sarango nzoni be. Dutingo wayere ayeke nzoni ahon dutingo zo ti mvene.

Amato 24:8

Zo so ayeke gbu li ti lo lakue ti sara sioni ye, a yeke iri lo “zo ti mayere”.

Amato 3:29

Mba ti mo so aduti nduru na mo si lo zia be ti lo na ndö ti mo so, mo gbu li ti mo ti sara sioni na lo pepe.

Amato 3:3

Ayeke nzoni mo zia ti sara nzoni be pepe, mo zia ti bata tënë ti yanga ti mo pepe; mo kanga ni na go ti mo tongana ye ti go, mo su ni na be ti mo tongana mbeti.

Amato 6:14

Gi atënë ti kirikiri laa ayeke na be ti lo; lo yeke gbu li ti lo lakue ti sara sioni ye; lo yeke bi tënë ti papa na popo ti azo.

Mishe 2:1

Mawa na azo so ayeke leke na be ti ala tënë ti sarango sioni ye; na bi, ala yeke leke tënë ti sarango sioni ye! Gi so ndo ahan awe, ala yeke sara ni, tongana ala wara lege ni.

Matthieu 5:7

Ti ala nzoni, ala so ayeke baa mawa ti amba ti ala, ngbanga ti so Nzapa ayeke baa ande mawa ti ala!

Jean 1:17

Nzapa amu ando *Ndia na e na lege ti Moïse, me nzoni be na taa-tënë aga na lege ti Jésus Christ.

Josué 2:14

Azo ti bembengo ndo ni akiri tënë na lo: “E deba tere ti e na mo na le ti Nzapa: tongana mo sigigi na nda ti gango ti e na mbeni zo pepe, fade e yeke sara nzoni be na mo si e yeke sara ye na mo na legeni na ndembe so KOTA GBIA ayeke mu kodro ni na e.”