Amato 14:2 - Mbeti ti Nzapa - Tënë so amu fini

² Zo so sarango ye ti lo ayeke na legeni, lo yeke kpe mbeto ti KOTA GBIA; me zo so ayeke mu lege ti kirikiri, lo baa KOTA GBIA tongana mbumbuse ye.

Amato 14:2 ပူးပေါင်းရင်းမြစ်များ

2 Samuel 12:9

Ngbanga ti nyen si mo baa tënë ti mbi, KOTA GBIA, tongana mbumbuse ye si mo sara ye so anzere na mbi pepe so? Mo fâ Urii, zo ti mara ti Het. Mo laa mo sara kue titene azo ti mara ti Amon afâ lo. Na pekoni, mo mu wali ti lo ti ga wali ti mo.

1 Agbia 3:6

Salomon akiri tënë, lo tene: “Mo sara nzoni be mingi na babâ ti mbi David, zo ti kua ti mo. Lani lo sara ye na le ti mo na lege ti taa-tënë, na lege ti mbirimbiri nga na legeni mbirimbiri. Nilaa mo ngba ti sara nzoni be na lo si mo mu na lo mbeni molenge-koli titene lo duti laso gbia na ndö ti mbata ti lo ti gbia.

2 Agbia 17:34

Laso, azo ti Samarii angba ti sara ye tongana ti giriri. Ala yeke voro KOTA GBIA pepe. Ala yeke sara ye alingbi na atënë ti ndia ti ala wani pepe, wala alingbi na lege ti sarango ye ti ala wani pepe. Ala yeke sara nga ye alingbi na ndia ti KOTA GBIA pepe, wala alingbi na yanga so lo mu ando na *ahale ti Jacob pepe; Jacob so KOTA GBIA adi iri ti lo Israel.

Mbeti ti Job 1:1

Ando, na kodro ti Us, mbeni koli ayeke daa, iri ti lo Job. Koli so ayeke sara ye na legeni, mbeni tënë ayeke na li ti lo pepe. Lo yeke kpe mbeto ti Nzapa si lo yeke kpe lege ti sarango sioni.

Mbeti ti Job 12:4

Mbi iri Nzapa titene lo kiri tënë na mbi, mbi ga ye so amba ti mbi ayeke he na ngia. Zo ti mbirimbiri, zo so asara ye na legeni mbirimbiri, lo laa azo ayeke he lo na ngia.

Mbeti ti Job 28:28

Na pekoni, lo tene na azo, lo tene: “Kpengo mbeto ti *Kota Gbia, baa ndara ni laa! Kpengo siokpari, baa hingango ndo laa!”

Abia (Psaumes) 112:1

Aleluya! Ti lo nzoni, zo so ayeke kpe mbeto ti KOTA GBIA si atënë ti ndia ti *KOTA GBIA anzere na lo!

Abia (Psaumes) 25:21

Mbi zia be ti mbi ti ku mo; mo bata mbi na lege ti taa-tënë nga na lege ti ye ti mbirimbiri.

Amato 11:12

Zo so akasa mba ti lo, li ti lo ayeke daa pepe; me zo so ahinga ndo, lo kai ti lo kpoo.

Amato 16:17

Azo so sarango ye ti ala ayeke na legeni, ala yeke kpe lege ti sioni ye; zo so aye ti bata fini ti lo, lo yeke sara hange na lege ti dutingo ti lo.

Amato 16:6

Zo so asara nzoni be na amba ti lo si azo alingbi ti zia be ti ala na ndö ti lo, a yeke zi sioni ti lo. Kpengo mbeto ti KOTA GBIA asara si zo akpe lege ti sioni ye.

Amato 19:1

Wayere so fini ti lo ayeke na legeni, lo yeke nzoni lo hon zo ti buba so ayeke tene gi atënë ti mayere.

Amato 2:15

Lege ti sarango ye ti ala ayeke kirikiri si lege so ala mu aba bango.

Amato 28:6

Wayere so ayeke sara ye na legeni, lo yeke nzoni lo hon zo so sarango ye ti lo ayeke kirikiri, ataa lo yeke zo ti mosoro.

Zo ti bongbingo azo 12:13

Atënë so kue e tene ge so, kota tënë ni ayeke so: kpe mbeto ti Nzapa, mo sara ye alingbi na andia ti lo, ngbanga ti so gi ye so zo alingbi ti sara ni laa.

Nzoni Tënë so Luc asu na mbeti 10:16

Jésus akiri atene na adisiple ti lo: “Zo so ama tënë ti ala, andaa lo ma tënë ti mbi; zo so ake ala, andaa lo ke mbi; zo so ake mbi, andaa lo ke lo so atokua mbi.”

Nzoni Tënë so Luc asu na mbeti 16:14

*Afarizien so aye nginza mingi so, ama tënë so kue si ala yeke he Jésus na ngia.

Awatokua 10:22

Azo ni akiri tënë, atene: “Kapita Corneille laa atokua e. Lo yeke zo ti mbirimbiri, lo yeke kpe mbeto ti Nzapa si azuife kue ayeke tene nzoni tënë ti lo. Mbeni ange ti Nzapa ahunda na lo ti iri mo ti ga na da ti lo titene lo ma tënë so mo yeke tene na lo.”

Awatokua 10:35

Zo so kue akpe mbeto ti Nzapa si asara ye ti mbirimbiri, Nzapa aye lo, ataa lo yeke zo ti mara wa.

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.