Amato 14:17 - Mbeti ti Nzapa - Tënë so amu fini

¹⁷ Zo so ayeke sara ngonzo hio hio, lo yeke sara aye ti buba. Be ti azo ake zo ti sarango ye na mayere.

Amato 14:17 ပူးပေါင်းရင်းမြစ်များ

2 Agbia 5:12

*Abale ti sese ti Damas, Abana na Parpar ayeke nzoni ahon ngu ti Israel pepe? Mbi lingbi fade ti sukula tere ti mbi kâ si tere ti mbi aga *nzoni pepe?” Naaman aturne tere ti lo si lo londo na ngonzo na be ti lo ti gue.

Esther 3:6

So lo ma a tene, Mardochée ayeke zuife, lo leke na be ti lo ti fâ Mardochée. Me titene lo fâ gi lo oko, so ayeke lingbi pepe. Nilaa lo ye ti fâ azuife so kue ayeke lango na ya ti kodro so Zerses ayeke gbia daa.

Amato 12:16

Zo ti buba ayeke sara si azo ahinga ngonzo ti lo hio; me zo ti hango le ayeke honde ngonzo ti be ti lo.

Amato 12:2

Nzapa ayeke sara nzoni be na zo ti sarango nzoni; me lo yeke fâ ngbanga na li ti zo ti sarango ye na mayere.

Amato 14:16

Mbeto ti sioni ye ayeke sara zo ti ndara; lo yeke kpe lege ni. Me zo ti buba alondo ti sara ye hio hio, ngbanga ti so lo baa lo tene, mbeni ye ti sioni ti si na ni ayeke daa pepe.

Amato 14:18

Azo so le ti ala ahan pepe, fade buba ayeke ga ye ti ala; me ye so azo ti hango le ayeke wara ayeke hingango ye.

Amato 14:29

Zo so asara ngonzo hio hio pepe, lo hinga ndo mingi; me zo so be ti lo ayeke wâ wâ, lo yeke fa buba ti lo na le ti azo.

Amato 15:18

Zo so be ti lo wâ wâ asara si papa alondo; me zo so ayeke kanga be ti lo asara si tiri akai.

Amato 16:32

Zo so ayeke sara ngonzo hio hio pepe, lo yeke nzoni lo hon mbeni ngangu zo ti bira. Zo so akanga anzara ti be ti lo, lo yeke nzoni lo hon zo so amu mbeni gbata na bira.

Amato 20:3

Zo so ayoro tere ti lo na ya ti tiri pepe, lo yeke ne tere ti lo; me ti azo ti buba, tere ti ala ayeke do dongo ti li na ya ti tiri.

Amato 22:24

Zo so be ti lo gi wâ wâ, mo na lo asara kamarade pepe; zo so ayeke na ngonzo ti wâ mingi, mo na lo afono pepe.

Amato 29:22

Zo ti ngonzo asara si papa alondo; zo so be ti lo gi wâ wâ asara si siokpari awu ahon ndoni.

Amato 6:18

be so ayeke gi lege ti sara asioni ye, gere so ayeke kpe hio ti sara sioni;

Zo ti bongbingo azo 7:9

Alingbi mo sara ngonzo hio hio pepe; azo ti buba laa ayeke sara ngonzo hio hio.

Ésaïe 32:7

Ti zo ti handango ndo, kua ti lo ayeke ti sarango sioni mingi na zo: lo yeke leke aye na mayere ti sara sioni na wayere na tenengo mvene na li ti wayere ni. Andaa wayere ni ahunda gi ye so ayeke ti lo.

Jacques 1:19

A-ita ti mbi so mbi ye ala mingi, ala dabe ti ala na tënë so: alingbi zo oko oko azi mê ti lo hio ti ma na tënë, me alingbi lo tene tënë hio hio pepe, lo sara ngonzo hio hio pepe.