Amato 14:14 - Mbeti ti Nzapa - Tënë so amu fini

¹⁴ Zo so sarango ye ti lo ayeke kirikiri, fade lo yeke wara ye ti pekoni. Zo ti nzoni ayeke baa nzoni ahon lo.

Amato 14:14 ပူးပေါင်းရင်းမြစ်များ

Abia (Psaumes) 109:17

Lo ye lani gi ti deba azo, fadeso deba ni ati na li ti lo wani. Lo ye lani ti sara tufa na ndö ti azo pepe, fadeso tufa ni ahon yongoro na tere ti lo.

Amato 12:14

Atënë so zo atene alingbi ti sara si lo baa nzoni na pekoni legeoko tongana ti so zo ayeke wara futa na peko ti kua so lo sara.

Amato 12:21

Zo ti mbirimbiri, ye ti sioni ayeke si na lo pepe; me akpale gbani gbani ahon ndö ti azo ti sioni.

Amato 14:10

Vundu ti be ti zo, lo wani laa lo hinga ni; ngia ti be ti lo, mbeni zo nde alingbi ti kangbi ni na lo pepe.

Amato 14:15

Zo so le ti lo ahan pepe, lo yeda na atënë so kue a tene na lo; me zo ti hango le agbu li ti lo kozo si lo gue na mbeni ndo.

Amato 18:20

Zo alingbi ti wara kobe ti yanga ti lo na lege ti atënë ti lo; atënë so lo tene alingbi ti sara si ya ti lo asi.

Amato 9:12

Tongana mo yeke zo ti ndara, mo laa mo yeke baa nzoni na pekoni. Tongana mo yeke zo ti hengo ndo, gi mo wani laa mo yeke wara ye ti pekoni.

Jérémie 17:5

Tënë so *KOTA GBIA atene ayeke so: “Deba aga na ndö ti zo so be ti lo ahon yongoro na mbi, lo so lo zia be ti lo na ndö ti azo si lo yeke gi ngangu ti lo na lege ti senge zo ti sese!

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 8:5

Biani, azo ti Jérusalem agirisa lege awe; ngbanga ti nyen si ala ngba ngbango na ndö ti sioni lege so ala mu ni so? Ala gbu tënë ti anzapa ti mvene ti ala ni ngangu; ala ke ti kiri na mbi.

Ezekiel 22:31

Tongaso, mbi tuku ngonzo ti mbi na ndö ti ala; mbi hunzi ala kue na lege ti ngonzo ti mbi ti wâ; mbi sara si sioni sarango ye ti ala akiri na li ti ala. So tënë ti yanga ti Kota Gbia NZAPA laa.”

Osée 4:16

Biani, Israel asara ngangu li tongana mama ti bagara so ake ti tambula. Fadeso, KOTA GBIA alingbi ti sara na azo ti lo tongana ti akete taba so a zia ala na ndo ti tengo pere?

Sofonii 1:6

Mbi yeke hunzi azo so ado mbi KOTA GBIA azia, ala so ayeke gi mbi pepe si ala yeke hunda mbi pepe so.”

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

Galasii 6:4

Ayeke nzoni zo oko oko agbu li ti lo na ndö ti sarango ye ti lo wani. Titene lo gonda tere ti lo ndali ti mbeni ye, ayeke nzoni lo wara ye ni na ya ti fini ti lo wani, me lo haka sarango ye ti lo na ti mbeni zo pepe.

Galasii 6:8

Zo so alu ye ndali ti sioni nzara ti be ti lo, fade lo yeke ko lengo ti ye ti nzara ti be, so ti tene kuâ; me so zo alu ye ndali ti Yingo, fade lo yeke ko lengo ti ye ti Yingo, so ti tene fini so angba lakue lakue.

Ahebro 3:12

A-ita, le ti ala akpengba! Mbeni zo oko na popo ti ala asara sioni be wala adekite pepe, tongaso si lo zia lege ti Nzapa pepe, lo so lo yeke na fini.