Amato 14:1 - Mbeti ti Nzapa - Tënë so amu fini

¹ Wali ti ndara ayeke leke sewa ti lo nzoni; me wali ti buba ayeke buba ya ti sewa, lo wani.

Amato 14:1 ပူးပေါင်းရင်းမြစ်များ

1 Agbia 16:31

Titene lo sara gi amara ti siokpari so Yeroboam, molenge ti Nebat asara, so alingbi na lo pepe. Na ndö ni, lo mu Yezabel ti ga wali ti lo; Yezabel ayeke molenge ti Etbaal, gbia ti azo ti mara ti Sidon. Akab ague ti sara na nzapa *Baal si lo kuku na gbe ti nzapa ni ti voro lo.

2 Agbia 11:1

So Atalii, mama ti Ahazia ama a tene, molenge ti lo akui awe, lo londo, lo fâ *ahale ti gbia kue.

Amato 19:13

Molenge ti buba ayeke ga na kpale na ndö ti babâ ti lo. Wali so aye tënë ti papa, lo yeke tongana li ti da so akoro si ngu ayeke yuru daa lakue.

Amato 21:19

Ti duti na benyama ayeke nzoni ahon ti duti na ndo oko na wali so aye ngonzo na tënë ti papa mingi.

Amato 21:9

Ti lango na gigi na gbe ti mbeni gbefa ayeke nzoni ahon ti lango na ya ti da oko na wali so aye tënë ti papa mingi.

Ruth 4:11

Akangba na azo ti kodro so kue ayeke na ndo so azo ayeke leke ka tënë daa so atene: “Een, e kue laa, e yeke na tere ti tënë ni. Ayeke nzoni *KOTA GBIA asara si wali so ayeke li na ya ti da ti mo so aga tongana Rachel na Lea, so gi ala use asara si sewa ti Israel aga kota so. Ayeke nzoni mo wara mosoro mingi na ya ti kodro ti Efrata, iri ti mo awu amu ya ti kodro ti Betlehem kue.