Amato 13:20 - Mbeti ti Nzapa - Tënë so amu fini

²⁰ Zo so ayeke fono na azo ti ndara, fade lo yeke ga zo ti ndara; me zo so ayeke sara kamarade na azo ti buba, lo yeke baa sioni daa.

Amato 13:20 ပူးပေါင်းရင်းမြစ်များ

Tongo nda ti aye 14:12

Ala mu Lot, molenge ti ita ti Abram so ayeke duti na Sodome, na aye ti lo kue si ahon na lo.

1 Agbia 12:10

Amaseka so lo na ala akono legeoko so atene na lo: “Azo so atene, babâ ti mo azia nengo kungba na ndö ti go ti ala si ala hunda na mo ti zi mbage ni na ndö ti ala so, tënë so mo yeke tene na ala ayeke so: ‘Kete li ti maboko ti mbi so akono ahon ngbonda ti babâ ti mbi.

1 Agbia 12:8

Me Roboam abaa wango so akangba ni amu na lo so tongana mbumbuse ye. Lo gue, lo hunda wango na amaseka so lo na ala akono legeoko si ala yeke sara kua na gbe ti lo.

1 Agbia 22:32

So amakonzi ti azo ti kpengo na apusu ti ambarata abaa Yosafat, ala tene: “Gbaa, gbia ti Israel laa!” Nilaa ala gue na mbage ti lo titene ala ti na ndö ti lo. Me Yosafat adekongo.

1 Agbia 22:4

Lo hunda Yosafat, lo tene: “Mo ye titene mbi na mo, e gue, e tiri bira ti mu Ramot, na sese ti Galaad?” Yosafat akiri tënë na gbia ti Israel, atene: “Mbi na mo, e yeke gi oko, aturugu ti mo na aturugu ti mbi ayeke gi oko, ambarata ti mbi na ambarata ti mo ayeke gi oko.”

2 Mbai 10:8

Me Roboam abaa wango so akangba ni amu na lo so tongana mbumbuse ye. Lo gue, lo hunda wango na amaseka so lo na ala akono legeoko si ala yeke sara kua na gbe ti lo.

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

2 Mbai 22:4

Lo sara ye so ayeke sioni na le ti *KOTA GBIA tongana ti azo ti sewa ti Akab. Na peko ti kuâ ti babâ ti lo, azo ti sewa ti Akab laa aga azo ti mungo wango na lo si wango ti ala ni ague na lo na kuâ.

Abia (Psaumes) 119:63

Mbi yeke sara songo na amba ti mbi so kue akpe mbeto ti mo, ala so asara ye alingbi na andia ti mo.

Amato 13:19

Zo kue aye titene ye so ni sara nzara ni, ni wara ni! Ndani laa, be ti azo ti buba ake ti ala ti zia lege ti sioni ye.

Amato 14:7

Kpe yongoro na tere ti zo ti buba, ngbanga ti so mbeni nzoni ye titene lo fa na mo ayeke daa pepe.

Amato 15:31

Zo so adingi mê ti lo ti ma atënë ti gbotongo mê so ayeke mu fini na zo, lo yeke duti na popo ti azo ti ndara.

Amato 22:24

Zo so be ti lo gi wâ wâ, mo na lo asara kamarade pepe; zo so ayeke na ngonzo ti wâ mingi, mo na lo afono pepe.

Amato 22:25

Tongaso pepe, fade mo yeke manda lege ti sarango ye ti ala si mo ti na ya ti kuku titene mo kui.

Amato 7:27

Guengo na da ti lo ayeke mungo lege ti gue na ndo ti akuâ, ayeke lingo na ndo ti akuâ.

Amato 9:6

Ala zia lege ti azo so le ti ala ahan pepe so si fade ala duti na fini! Ala mu lege so ala lingbi ti wara hingango ye daa!”

Malashii 3:16

Tongaso azo so ayeke kpe mbeto ti KOTA GBIA atene tënë na popo ti ala. KOTA GBIA adingi mê ti lo si lo ma tënë so ala yeke tene so. Nilaa na dawa ti lo, a su na ya ti mbeni mbeti iri ti azo so ayeke kpe mbeto ti lo si ala yeke voro lo.

Awatokua 2:42

Ala yeke bongbi lakue na tere ti *awatokua ti manda ye, ti duti na beoko, ti te kobe ti beoko, ti sambela Nzapa.

Ahebro 10:24

E baa ndo na ndö ti amba ti e na popo ti e ti pusu e titene e ye azo si e sara anzoni ye.

Aye so Nzapa afa 18:4

Mbi kiri mbi ma mbeni go so alondo na yayu, atene: “Ala sigigi! Azo ti mbi, ala sigigi na ya ti gbata so, tongaso si ala bongbi na lo ti sara asiokpari ti lo pepe, tongaso si aye ti sioni so a leke ndali ti lo so asi na ala pepe.