Amato 13:13 - Mbeti ti Nzapa - Tënë so amu fini

¹³ Zo so abaa wango tongana mbumbuse ye, lo yeke buba fini ti lo wani. Me zo so asara ye alingbi na atënë ti ndia, lo yeke wara nzoni ye ti pekoni.

Amato 13:13 ပူးပေါင်းရင်းမြစ်များ

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Esdras 10:3

E yeke deba yanga ti e na le ti Nzapa ti e ti tumba awali so kue ayeke awande, ala na amolenge ti ala. Tongaso, e yeke sara ye alingbi na wango so mo kota zo, mo mu ni, mo na azo so kue ayeke sara ye alingbi na atënë ti ndia ti Nzapa ti e. Ayeke nzoni e sara ye na lege ti ndia!

Abia (Psaumes) 115:13

Lo yeke sara tufa na ndö ti azo so akpe mbeto ti lo, akete zo na akota zo.

Abia (Psaumes) 119:165

Azo so aye ndia ti mo, ala yeke na taa siriri, mbeni ye ti kinda ala ayeke daa pepe.

Abia (Psaumes) 19:11

Aye ni kue ayeke nzoni mingi ahon lôro, ahon gba ti lôro ti nzoni ni; aye ni anzere ahon mafuta ti wotoro, anzere ahon mafuta ti wotoro ti nzoni ni.

Abia (Psaumes) 19:12

Atënë ni azi nga le ti mbi, zo ti kua ti mo; zo ayeke wara ye mingi na lege ti batango atënë ni.

Sigingo 9:20

Ambeni zo ti gbe ti Faraon asara mbeto ndali ti tënë so KOTA GBIA atene; tongaso ala bongbi azo ti kua ti ala na anyama ti ala na ya ti ada.

Amato 1:25

Awango ti mbi kue, ala ke ni; mbi gboto mê ti ala, ala yeda pepe.

Amato 13:12

Ye so zo azia be ti lo daa ti ku si asi hio pepe, ye ni asara si be ti lo awoko. Me tongana zo awara ye so lo sara nzara ni, ye ni ayeke ga tongana keke so amu fini na zo.

Amato 13:21

Sioni ye ayeke tumba peko ti azo ti siokpari; ti azo ti mbirimbiri, gi nzoni ye laa ala yeke wara daa.

Amato 16:20

Zo so agbu li ti lo nzoni na ndö ti mbeni ye, lo yeke baa nzoni daa; zo so azia be ti lo na ndö ti KOTA GBIA, ti lo nzoni!

Amato 19:16

Zo so ayeke sara ye alingbi na atënë ti ndia, lo yeke bata fini ti lo. Zo so ayeke bata lege ti dutingo ti lo pepe, fade lo yeke kui.

Ésaïe 66:2

Aye so kue, maboko ti mbi laa asara ni si abaa gigi, so tënë ti yanga ti mbi KOTA GBIA laa. Me zo ti mawa so be ti lo awoko, lo so lo ma tënë ti mbi si tere ti lo ayeke do, zo tongaso laa mbi yeke baa lo na nzoni le.

Jérémie 43:2

Azaria, molenge ti Hoshaya, na Yohanan, molenge ti Karea na ambeni zo ti sioni yanga, atene na Jérémie: “Tënë ti mvene laa mo yeke tene so! KOTA GBIA, Nzapa ti e atokua mo pepe ti tene na e: ‘Ala gue na Ezipte pepe ti honde tere ti ala kâ!’

Ezekiel 20:13

Me na benyama, azo ti Israel atomboka na tere ti mbi; ala sara ye alingbi na andia ti mbi pepe nga na lege ti asarango ye so mbi fa na ala. Andaa aye ni ayeke sara titene zo aduti na fini tongana lo sara ye alingbi na ni. Ala sara si lango ti wungo tere aga sioni ahon ndoni. Tongaso mbi tene: Mbi yeke kiri ti tuku ngonzo ti mbi ti wâ na ndö ti ala na benyama si mbi yeke fâ ala ti hunzi ala.

Ezekiel 20:16

Mbi deba yanga ti mbi na ala, ngbanga ti so aye so mbi fa na ala, ala baa ni tongana mbumbuse ye, ala sara ye alingbi na andia ti mbi pepe, ala sara si lango ti wungo tere aga sioni. Biani, be ti ala angba gi na ndö ti ayanda ti ala.

Ezekiel 20:24

Mbi deba yanga ti mbi na ala, ngbanga ti so ala sara ye pepe alingbi na lege ti asarango ye so mbi fa, ala baa andia ti mbi tongana mbumbuse ye, ala sara si lango ti wungo tere aga sioni, le ti ala angba gi na peko ti ayanda ti ababâ ti ala.

Malashii 3:16

Tongaso azo so ayeke kpe mbeto ti KOTA GBIA atene tënë na popo ti ala. KOTA GBIA adingi mê ti lo si lo ma tënë so ala yeke tene so. Nilaa na dawa ti lo, a su na ya ti mbeni mbeti iri ti azo so ayeke kpe mbeto ti lo si ala yeke voro lo.

Wungo ti azo 15:31

Fade tënë ti tumbango lo angba na li ti lo wani, ngbanga ti so lo ke tënë ti KOTA GBIA si lo sara ye na lege ti ambela ti lo pepe.”

Matthieu 5:12

Ayeke nzoni be ti ala anzere, ala duti na ngia, ngbanga ti so futa ti ala ayeke ande kota na yayu. Biani, gi tongaso laa azo asara ando ngangu na awayanga-Nzapa so ayeke kozoni na ala.”

Nzoni Tënë so Luc asu na mbeti 16:31

Abraham atene: ‘So ala ma Moïse na awayanga-Nzapa pepe so, tongana mbeni zo azingo na kuâ si ague, atene tënë na ala, ala lingbi ti yeda nga pepe.’ ”

2 Jean 1:8

Ala sara hange! Tongaso, fade ye ti peko ti kua ti e agirisa na maboko ti ala pepe, me ala wara futa ti kua ti ala kue.