Amato 13:12 - Mbeti ti Nzapa - Tënë so amu fini

¹² Ye so zo azia be ti lo daa ti ku si asi hio pepe, ye ni asara si be ti lo awoko. Me tongana zo awara ye so lo sara nzara ni, ye ni ayeke ga tongana keke so amu fini na zo.

Amato 13:12 ပူးပေါင်းရင်းမြစ်များ

Tongo nda ti aye 46:30

Jacob atene na Joseph: “Mbi lingbi ti kui fadeso, ngbanga ti so mbi baa le ti mo awe; mbi hinga so mo ngba na fini.”

Néhémie 2:2

Tongaso gbia ahunda mbi, atene: “Ngbanga ti nyen si le ti mo ayeke na ngia pepe so? Ka so tere ti mo aso pepe so! Mbeni ye ayeke so be ti mo?” Mbeto asara mbi mingi.

Abia (Psaumes) 143:7

KOTA GBIA, kiri tënë na mbi hio, be ti mbi awoko kue awe! Honde le ti mo na mbi pepe, tongaso pepe, fade mbi yeke ga tongana azo so ayeke li na ya ti du ti kuâ.

Abia (Psaumes) 17:15

Ti mbi, fade mbi yeke baa le ti mo, ngbanga ti so mbi yeke mbirimbiri. Tongana mbi zingo na lango, mbi yeke baa le ti mo, mbi yeke baa ni ngbii be ti mbi ade.

Abia (Psaumes) 69:3

Mbi yeke li na ya ti potopoto so ali mingi, mbeni ndo titene mbi luti daa ayeke daa pepe. Mbi si na ya ti ngu so gbe ni ali mingi, ngangu ti ngu ni amu mbi ti hon na mbi.

Amato 11:30

Sarango ye ti zo ti mbirimbiri ayeke tongana keke so ayeke mu fini na zo. Zo so ayeke na ndara, fade lo yeke woko be ti azo titene ala mu peko ti lo.

Amato 13:11

Mosoro so zo awara na loro ayeke ninga pepe; me mosoro so zo awara ni kete na kete ayeke wu.

Amato 13:13

Zo so abaa wango tongana mbumbuse ye, lo yeke buba fini ti lo wani. Me zo so asara ye alingbi na atënë ti ndia, lo yeke wara nzoni ye ti pekoni.

Amato 13:19

Zo kue aye titene ye so ni sara nzara ni, ni wara ni! Ndani laa, be ti azo ti buba ake ti ala ti zia lege ti sioni ye.

Amato 3:18

Ndara ayeke tongana keke so ayeke mu fini na azo so asara ye alingbi na ni. Lo yeke zia ngia na be ti azo so awara ni.

B. ti abia 5:8

Ala amaseka-wali ti Jérusalem, mbi voro ala mingi, tongana ala wara tere na kamba ti be ti mbi, tënë ti nyen laa ala yeke tene ande na lo? Ala tene: yengo so mbi ye lo so asara mbi kobela.

Jean 16:22

Ye so ayeke si na ala fadeso ayeke tongaso: fade ala yeke na vundu, me na pekoni, mbi yeke kiri ti ga ti baa ala si be ti ala akiri asi na ngia. Mara ti ngia so, zo oko alingbi ti zi ni na be ti ala pepe.

Aye so Nzapa afa 2:7

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo lege ti te le ti keke so ayeke mu fini na zo si ayeke na ya ti *paradi ti Nzapa.”

Aye so Nzapa afa 22:2

Ngu ni asua, ahon na be ti balabala ti ya ti gbata ni. Na atere ti ngu ni, mbage na mbage, keke so ayeke mu fini na zo ayeke daa. Keke ni ayeke le fani baleoko na use na ya ti ngu oko, so ti tene nze na nze. Akugbe ti keke ni ayeke yoro ti kaingo na kobela na tere ti amara.