Amato 13:11 - Mbeti ti Nzapa - Tënë so amu fini

¹¹ Mosoro so zo awara na loro ayeke ninga pepe; me mosoro so zo awara ni kete na kete ayeke wu.

Amato 13:11 ပူးပေါင်းရင်းမြစ်များ

Mbeti ti Job 20:15

Amosoro so lani lo gbu na ngangu si lo mene so, fade lo yeke de ni. Nzapa ayeke sara si amosoro ni alondo na ya ti lo asigigi.

Abia (Psaumes) 128:2

Mo wani, mo yeke te ye ti peko ti kua ti maboko ti mo. Mo yeke duti nzoni si aye ti mo kue ayeke ga nzoni.

Amato 10:2

Amosoro so zo awara na lege ti sioni ayeke sara nzoni na lo pepe; me sarango ye ti mbirimbiri ayeke zi zo na ya ti kuâ.

Amato 13:10

Kuru baba ayeke sara si papa alondo; me ndara ayeke ye ti azo ti mango wango.

Amato 13:12

Ye so zo azia be ti lo daa ti ku si asi hio pepe, ye ni asara si be ti lo awoko. Me tongana zo awara ye so lo sara nzara ni, ye ni ayeke ga tongana keke so amu fini na zo.

Amato 20:21

Mosoro so zo awara hio hio na kozo lango, gbanda mosoro ni ayeke sara nzoni na lo pepe.

Amato 21:6

Azo so aye ti wara mosoro na lege ti tenengo mvene ayeke gi kuâ; ye so ala wara ayeke tongana guru so pupu amu ahon na ni.

Amato 28:20

Zo so abata tënë ti yanga ti lo, fade a yeke sara tufa gbani gbani na ndö ti lo; me zo so aye ti ga zo ti mosoro na loro, a yeke zia peko ni na lo senge pepe.

Amato 28:22

Zo so be ayeke sara lo, lo yeke kpe kpengo na peko ti mosoro; me lo hinga pepe atene, fade yere ayeke ti na ndö ti lo.

Amato 28:8

Mbeni zo aye ti ga zo ti mosoro; lo yeke sara boon ti nginza na azo titene azo ni azia gba ti nginza na ndö ni si akiri na ni na lo. Me fade mosoro ni so ayeke gue na maboko ti zo so ayeke baa mawa ti awayere.

Zo ti bongbingo azo 5:14

Tongana ti so lo sigigi ndumbu na ya ti mama ti lo, fade lo yeke zia sese so ti kiri gi tongaso. Lo wara ye oko na peko ti kua ti lo pepe; lo yeke mu ye oko na maboko ti lo ti gue na ni pepe.

Jérémie 17:11

Zo so awara mosoro na legeni pepe, lo yeke tongana dodoro so alango na ndö ti para so lo laa lo du ni pepe; so zo ni angba ti te gigi, mosoro ti lo ahon si na ndani, lo ga zo so li ti lo ayeke daa pepe.”