Amato 12:8 - Mbeti ti Nzapa - Tënë so amu fini

⁸ Azo ayeke gonda zo ndali ti hingango ndo ti lo; me zo so be ti lo asi singo na aye ti kirikiri, azo ayeke baa lo tongana mbumbuse zo.

Amato 12:8 ပူးပေါင်းရင်းမြစ်များ

Tongo nda ti aye 41:39

Na pekoni, Faraon atene na Joseph: “So Nzapa afa na mo aye so kue so, mbeni zo so ahinga ndo si lo yeke zo ti ndara tongana mo ayeke daa pepe.

Abia (Psaumes) 132:18

Mbi yeke sara si kamene ahon ndö ti awato ti lo si kpoto ti lo ti gbia ayeke za zango na li ti lo.”

Amato 1:26

Ndani laa, fade mbi yeke he ala na ngia tongana ye ti ngangu asi na ala; mbi yeke he ala tongana kota mbeto agbu ala.

Amato 12:7

Tongana a kinda azo ti sioni na sese, ala yeke daa mbeni pepe; me sewa ti azo ti mbirimbiri ayeke ngba ti kpengba.

Amato 12:9

Zo so asara tere ti lo kete, me lo yeke na zo ti kua oko, lo yeke nzoni lo hon zo so abaa tere ti lo tongana kota zo, me kobe atia lo.

Amato 29:27

Be ti azo ti mbirimbiri ake azo ti kirikiri mingi; be ti azo ti sioni ake azo so sarango ye ti ala ayeke na legeni.

Amato 3:35

Ye so ayeke ga ti azo ti ndara ayeke gonda; me ti azo ti buba, kamene ayeke gbu le ti ala.

Amato 5:23

Fade zo ni ayeke kui, ngbanga ti so a gboto mê ti lo gbaa; kota buba ti lo ayeke sara lo tongana samba.

Zo ti bongbingo azo 8:1

Zo wa laa ayeke tongana zo ti ndara? Zo wa laa ahinga ti fa nda ti tënë so: “Ndara ti zo asara si ndö ti le ti lo aza zango si kangango ndö ti le ti lo ahon”?

Ésaïe 19:14

KOTA GBIA azia na ya ti Ezipte yingo ti turnengo li ti zo. Biani, amakonzi ni ayeke hon na Ezipte kirikiri na ya ti aye so kue kodro ni ayeke sara. Ezipte ayeke tongana zo so samba ahon ndö ti lo si lo yeke hon kirikiri na ya ti ye so lo de awe.

Daniel 12:2

Azo mingi so alango na ndo ti akuâ ayeke zingo: ambeni ayeke zingo ti duti na fini so angba lakue lakue si ambeni ayeke zingo ti wara kamene nga ti baa pasi so ayeke sioni mingi lakue lakue.

Nzoni Tënë so Luc asu na mbeti 16:8

Kota zo ni agonda ndombe ti nzi so, ngbanga ti so lo sara ye ti lo na kode. Taa-tënë, azo ti dunia so ayeke sara ye na kode na amba ti ala, ahon azo ti Nzapa so ayeke na ya ti lumiere.”

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

2 Korente 10:18

Taa nzoni zo ti kua ayeke zo so ayeke tene nzoni tënë na ndö ti lo wani pepe, me zo so Kota Gbia laa ayeke tene nzoni tënë na ndö ti lo.

1 Samuel 13:13

Samuel atene na Saul: “Mo sara ye tongana zo so li ti lo ayeke daa pepe. Tënë so KOTA GBIA, Nzapa ti mo atene na mo so, mo sara ye alingbi na ni pepe. Tongana mo sara fade ye alingbi na ni, ka lo zia mo, na *ahale ti mo ti duti gbia na ndö ti azo ti Israel kpu na kpu.

1 Samuel 16:18

Mbeni zo ti kua oko akiri tënë, atene: “Mbi baa mbeni molenge ti Yese so ayeke lango na Betlehem. Molenge ni ayeke pika mozoko nzoni, lo yeke mbeni kpengba molenge, lo yeke mbeni ngangu turugu; lo yeke tene tënë na ndara; lo yeke mbeni pendere koli, KOTA GBIA ayeke na lo.”

1 Samuel 18:30

Amakonzi ti aturugu ti Filistii ague ti tiri bira na azo ti Israel. Na ya ti abira ni oko oko kue, David laa ayeke so benda ahon aturugu ti kota kamba ti Saul kue; nilaa iri ti lo awu mingi.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.

1 Samuel 25:17

Fadeso, gbu li ti mo nzoni na ndö ti ye so mo lingbi ti sara, ngbanga ti sioni ye ayeke ti na ndö ti wa ti e nga na asewa ti lo kue. Wa ti e ayeke mbeni buba zo, zo alingbi ti tene tënë na lo pepe.”