Amato 12:6 - Mbeti ti Nzapa - Tënë so amu fini

⁶ Atënë ti yanga ti azo ti sioni ayeke tongana kuku so ayeke fâ zo; me atënë ti azo ti mbirimbiri ayeke zi ala na kuâ.

Amato 12:6 ပူးပေါင်းရင်းမြစ်များ

Amato 12:5

Tënë ti be ti azo ti mbirimbiri ayeke sarango ye na lege ti ndia; me ti azo ti sioni, ala ye gi handango azo.

Amato 14:3

Na ya ti atënë ti zo ti buba, atënë ti baba laa ayeke sigigi daa; me atënë ti azo ti ndara ayeke bata ala.

Ésaïe 59:7

Ala yeke mu loro ti sara sioni, ala yeke kpe ti gue ti tuku mene ti zo so asara sioni pepe. Gbungo-li ti ala ayeke gi ti sara sioni; na ndö ti alege so kue ala yeke hon daa, gi sarango ngangu na zo nga na bubango ye.

Jérémie 5:26

Na popo ti azo ti mbi, azo ti sioni ayeke daa. Ala honde tere ti ala ti ku tongana zo ti gingo andeke. Ala sara akuku ti gbu na azo.

Awatokua 23:12

So ndo ahan awe, ambeni zuife abongbi tere si ala leke tënë: ala deba yanga ti ala, atene, ala yeke te kobe wala ala yeke nyon nga ngu pepe ngbii ala fâ Paul si.

Awatokua 23:15

Tongaso, ayeke nzoni ala na azo ti *Kota Bongbi ti Fango Ngbanga, ala tokua na kota komanda ti aturugu ti Rome titene a mu Paul, a ga na lo. Ala tene, ala ye ti hinga ambeni tënë na ndö ti lo nzoni. Ti e, e yeke leke tere ti fâ lo kozoni si lo si.”

Awatokua 25:3

titene lo sara nzoni be na ala: lo mu Paul lo kiri na lo na Jérusalem. Andaa ala ye titene ambeni zo ahonde tere ti ala ti ku Paul ti fâ lo na lege.