Amato 12:3 - Mbeti ti Nzapa - Tënë so amu fini

³ Zo ayeke luti ngangu ndali ti sioni sarango ye pepe; me azo ti mbirimbiri ayeke tongana keke so agunda ni ali sese nzoni.

Amato 12:3 ပူးပေါင်းရင်းမြစ်များ

Mbeti ti Job 15:29

Zo ni ayeke ga zo ti mosoro laoko pepe, fade gba ti mosoro ti lo ayeke ninga pepe; azo ayeke ne lo na ya ti kodro pepe.

Abia (Psaumes) 15:5

Tongana lo sara boon ti nginza na mbeni zo, lo yeke hunda ti wara mbeni ye na ndö ni pepe. Tongana mbeni zo aye ti pete goro na lo titene lo tene mvene na li ti zo so tënë ayeke na li ti lo pepe, lo yeke ke. Zo so asara ye tongaso, mbeni ye ti yingi lo ayeke daa pepe.

Amato 10:25

Tongana ngangu pupu ahon awe, zo ti sioni ayeke daa mbeni pepe! Me zo ti mbirimbiri aluti ti lo ngangu lakue.

Amato 11:5

Mbirimbiri ti zo so sarango ye ti lo ayeke na legeni ayeke sara si fini ti lo aduti mbirimbiri; me sarango sioni ti zo ti sioni asara si lo ti.

Amato 12:12

Zo ti sioni asara nzara ti ye so asioni zo awara; me azo ti mbirimbiri ayeke tongana keke so agunda ni agbu sese si ale anzoni lengo ni.

Zo ti bongbingo azo 8:8

Zo oko ayeke na komandema na ndö ti fini ti lo pepe; pupu so ayeke mu na lo fini, lo lingbi ti gbanzi ni pepe. Zo oko ayeke na komandema na ndö ti lango ti kuâ ti lo pepe. Tongana bira aga, turugu oko alingbi ti gboto tere ti lo ti hon pepe. Zo ti sioni, fade sioni ti lo ni alingbi ti soo lo pepe.

Efeze 3:17

Mbi hunda titene Christ aduti na be ti ala na lege ti mabe! Ayeke nzoni sarango ye ti ala kue aluti na ndö ti ndoye tongana ti so gere ti keke ali sese wala tongana ti so da aluti ngangu na ndö ti gere ni.

Kolose 2:7

Tongana ti so gere ti keke ali na ya ti sese wala da aluti ngangu na ndö ti gere ni, ala luti ngangu na ndö ti Christ. Ala kpengba na lege ti mabe alingbi na ye so a fa na ala, ala mu singila mingi na Nzapa.

1 Samuel 25:33

Mbi mu singila ndali ti nzoni sarango ye ti mo; mbi mu nga singila na mo, mo so mo kanga lege na mbi laso ti tuku mene ti azo, ti fâ ngbanga ti mbi wani pepe.