Lo baa lo tene wungo tere ayeke nzoni si sese ni nga ayeke nzoni na le ti lo. Lo yoro go ti lo titene a zia nengo kungba daa, lo yeke sara kua ti ngbaa.
Yeroboam ayeke mbeni ngangu koli, mbeni kpengba koli; lo lingbi ti sara ye. Salomon abaa so lo yeke sara kua ti lo na legeni, nilaa lo mu lo, lo zia lo kapita na ndö ti azo ti kua ti mara ti Efraim na ti Manase.
So azo ti Israel ti mbage ti Banga kue ama a tene, Yeroboam akiri awe, ala tokua ti iri lo ti ga na ya ti kota bongbi ti ala. Ala mu lo ti ga gbia na ndö ti Israel kue. Gi azo ti mara ti Juda oko laa angba na gbe ti komandema ti azo ti sewa ti David.
Azo ni so angba na ya ti kodro ni, ngbanga ti so azo ti Israel awara lege ti fâ ala kue pepe; Salomon amu ala ti sara angangu kua ti ngbaa. *Ahale ti ala angba ti sara akua ni ngbii asi laso.
Zo ti kua so le ti lo ahan, lo yeke mu ndo ti molenge ti da so azia kamene na le ti azo. Fade zo ti kua ni ayeke wara akungba na peko ti kuâ ti babâ ni legeoko na tanga ti amolenge ni.