Amato 12:23 - Mbeti ti Nzapa - Tënë so amu fini

²³ Zo ti hango le ayeke honde ye so lo hinga; me azo ti buba afa polele tënë ti buba ti ala.

Amato 12:23 ပူးပေါင်းရင်းမြစ်များ

Néhémie 2:12

Ye so Nzapa azia na be ti mbi ti sara ndali ti Jérusalem, mbi tene tënë ni na zo oko pepe. Na pekoni, mbi londo na bi, mbi na ambeni zo so mbi mu ala na tere ti mbi. Mbi gue na mbeni nyama nde pepe, gi lele so mbi duti na ndö ti lo ti tambula na lo.

Néhémie 2:16

Amakonzi ti gbata ni ahinga ndo so mbi gue daa pepe, wala ye so mbi sara ni pepe. Ngbene ye so mbi si na gbata ni ngbii asi fadeso, tënë so ayeke na be ti mbi, mbi de ti fa ni na zo oko pepe, ataa na azuife, wala na awayango-sandaga, wala na akota zo, wala na amakonzi, wala na azo ti sarango kua.

Amato 10:14

Azo ti ndara abata hingango ye ti ala tongana mosoro; me atënë ti zo ti buba ayeke buba ndo hio.

Amato 10:19

Zo so ayeke diko atënë gbani gbani, gbaa lo yeke sara sioni; me zo so ayeke bata yanga ti lo, lo yeke zo ti ndara.

Amato 11:13

Zo so ayeke fono ti du mvene na li ti azo, lo yeke sigigi na atënë so ahonde. Me zo so mo lingbi ti zia be ti mo na ndö ti lo, lo yeke sigigi na tënë ni oko pepe.

Amato 13:16

Zo ti hango le ayeke gbu li ti lo kozo titene lo sara mbeni ye; me zo ti buba ayeke fa buba ti lo na le ti azo kue.

Amato 14:33

Ndara ayeke duti na be ti zo ti hingango ndo. Me alingbi ti wara ndara na popo ti azo ti buba laa?

Amato 15:2

Tënë ti azo ti ndara ayeke zia nzara ti mandango ye na be ti zo; me ti azo ti buba, gi abuba tënë laa ayeke sigigi na yanga ti ala.

Amato 18:2

Mango ya ti ye anzere na zo ti buba pepe; me lo ye ti fa na le ti azo kue gi atënë ti be ti lo.

Amato 29:11

Zo ti buba ayeke fa polele ngonzo ti lo kue; me zo ti ndara ayeke kanga ngonzo ti lo, lo yeke sara nga si ngonzo ni ade.

Zo ti bongbingo azo 10:3

Tongana zo ti buba atambula na ndö ti lege, li ti lo aga kirikiri; lo sara si azo ahinga atene, lo yeke zo ti buba.

1 Samuel 10:16

Saul atene na babâ-kete ti lo: “Samuel atene na e, atene: ‘A wara amama ti lele ni awe.’ ” Me tënë ti gango gbia so Samuel atene tënë ni so, Saul atene ni na lo pepe.