Amato 12:22 - Mbeti ti Nzapa - Tënë so amu fini

²² Be ti KOTA GBIA ake mingi azo ti mvene; me lo ye azo so ayeke sara ye na lege ti taa-tënë.

Amato 12:22 ပူးပေါင်းရင်းမြစ်များ

1 Agbia 13:18

Wayanga-Nzapa ni atene na lo: “Mbi nga, mbi yeke wayanga-Nzapa tongana mo. Andaa mbeni *ange atene na mbi peko ti tënë ti yanga ti KOTA GBIA, atene: ‘Mu lo, mo ga na lo na da ti mo, lo te kobe, lo nyon ngu.’ ” Andaa mvene laa lo tene.

Abia (Psaumes) 120:2

“KOTA GBIA, zi mbi na maboko ti azo ti mvene, zi mbi na maboko ti azo so tënë ti yanga ti ala gi mvene so!”

Abia (Psaumes) 5:6

Azo ti baba alingbi ti luti na le ti mo pepe; be ti mo ake azo ti sarango sioni kue.

Amato 11:1

Kilo so ayeke na legeni pepe, be ti KOTA GBIA ake ni mingi; me be ti lo anzere ndali ti kilo so ayeke na legeni.

Amato 11:20

Be ti KOTA GBIA ake mingi azo so be ti ala asi singo na atënë ti mayere; me be ti lo anzere na azo so sarango ye ti ala ayeke na legeni.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 17:7

Pendere tënë alingbi na buba zo pepe; âdu ti kota zo, atënë ti mvene alingbi na lo oko pepe.

Ésaïe 9:15

Azo so afa lege na azo ni so, ala fa na azo ni sioni lege; azo so azo ni afa lege na ala so, ala mu sioni lege.

Jérémie 9:24

“Mbeni lango ayeke ga so mbi yeke ga na tere ti azo so atene, ani yeke azo so afâ *ganza awe so; so tënë ti yanga ti KOTA GBIA laa.

Ezekiel 13:19

Ala bi buba na tere ti mbi na le ti azo ti mbi ndali ti kete le ti *orze nga ndali ti nduru mapa. Ala yeke tene mvene na azo ti mbi so ayeda ti ma atënë ti mvene ti ala, awali ni. Tongaso ala yeke fâ azo so alingbi na kuâ pepe si ala yeke bata azo so alingbi na kuâ.

Ezekiel 13:22

Na lege ti mvene ti ala, awali ni, ala sara si be ti azo ti mbirimbiri awoko, ataa so mbi laa mbi zia vundu na be ti azo ti mbirimbiri ni pepe. Ala mu ngangu na be ti azo ti sioni si ala lingbi ti zia lege ti sioni ti ala pepe ti ngba na fini.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!