Amato 12:15 - Mbeti ti Nzapa - Tënë so amu fini

¹⁵ Sarango ye ti zo ti buba ayeke lakue nzoni na le ti lo wani; me zo so ayeke ma wango ayeke zo ti ndara.

Amato 12:15 ပူးပေါင်းရင်းမြစ်များ

Amato 1:5

Zo ti ndara so ayeke ma amato so, fade hingango ye ti lo ayeke kono ahon ti kozoni; zo so ahinga ndo, fade lo yeke manda anzoni kode so ayeke fa na lo nzoni lege.

Amato 13:1

Molenge ti ndara ama ye so babâ ti lo agboto mê ti lo daa; me molenge ti hengo ndo ake titene a suku na lo.

Amato 13:10

Kuru baba ayeke sara si papa alondo; me ndara ayeke ye ti azo ti mango wango.

Amato 14:12

Mbeni zo alingbi ti baa ti lo atene, lege ti sarango ye ti ni ayeke mbirimbiri, andaa ayeke lege so ague na kuâ.

Amato 14:16

Mbeto ti sioni ye ayeke sara zo ti ndara; lo yeke kpe lege ni. Me zo ti buba alondo ti sara ye hio hio, ngbanga ti so lo baa lo tene, mbeni ye ti sioni ti si na ni ayeke daa pepe.

Amato 16:2

Zo oko oko ayeke baa na le ti lo atene, aye so kue ni yeke sara ayeke nzoni; me KOTA GBIA laa ayeke baa atënë ti be ti zo.

Amato 16:25

Mbeni zo alingbi ti baa atene, lege ti sarango ye ti ni ayeke mbirimbiri, andaa lege ni ayeke gue na kuâ.

Amato 19:20

Mo ma awango, mo yeda na aye so a yeke fa na mo; na ndani, fade mo yeke ga zo ti ndara.

Amato 21:2

Zo oko oko ayeke baa na le ti lo atene, aye so kue ni yeke sara ayeke na legeni; me KOTA GBIA laa ayeke baa atënë ti be ti zo.

Amato 26:12

Tongana mo baa mbeni zo so abaa tere ti lo wani tongana zo ti ndara, ye so mo lingbi ti hinga ayeke so: nzoni ye so mo lingbi ti ku na mbage ti zo ti buba ayeke mingi ahon ti zo tongaso.

Amato 26:16

Zo ti sopo abaa tere ti lo wani tongana zo ti ndara; lo baa ti lo atene, lo hon azo mbarambara so ahinga ndo si ala lingbi ti kiri tënë na legeni.

Amato 28:11

Zo ti mosoro abaa tere ti lo tongana zo ti ndara; me wayere so ahinga ndo, fade lo yeke hinga nda ti zo ti mosoro ni.

Amato 3:7

Mo baa tere ti mo wani tongana zo ti ndara pepe, me mo kpe mbeto ti KOTA GBIA; mo zia lege ti sioni ye.

Amato 30:12

“Ambeni zo ayeke daa so ayeke baa tere ti ala tongana azo ti vurungo be, ataa so ade a *sukula sioni ti ala pepe.

Amato 9:9

Mu wango na zo ti ndara si fade lo ga zo ti ndara ahon ti kozoni. Fa ye na zo ti mbirimbiri si hingango ye ti lo akiri akono ahon ti kozoni.

Zo ti bongbingo azo 4:13

Molenge so ayeke zo ti ndara si lo yeke na mosoro pepe, lo hon mbeni gbia so aga mbakoro awe si ayeke ma wango pepe, ngbanga ti so lo yeke zo ti buba.

Nzoni Tënë so Luc asu na mbeti 18:11

Farizien ni aluti ti lo lutingo si lo yeke sambela na ya ti be ti lo, lo tene: ‘Mbi mu singila na mo, Nzapa, ngbanga ti so mbi yeke tongana tanga ti azo kue pepe. Ala yeke ti ala azo ti nzi, azo ti kirikiri, azo ti gingo awali wala akoli ti azo. Mbi yeke nga tongana zo ti rongo nginza ti lapo so pepe.

Galasii 6:3

Zo so ayeke gi senge zo si lo yeke baa tere ti lo tongana kota zo, andaa lo yeke handa tere ti lo wani!