Amato 11:4 - Mbeti ti Nzapa - Tënë so amu fini

⁴ Na lango ti fango ngbanga, mosoro ayeke sara ye oko ndali ti zo pepe; me sarango ye ti mbirimbiri laa ayeke zi zo na ya ti kuâ.

Amato 11:4 ပူးပေါင်းရင်းမြစ်များ

Tongo nda ti aye 7:1

KOTA GBIA atene na Noe: “Mo na azo ti da ti mo kue, ala li na ya ti mangboko ni, ngbanga ti so, mbi baa so gi mo oko laa mo yeke zo ti mbirimbiri na popo ti azo ti ngoi ti mo.

Mbeti ti Job 20:28

Na lango so Nzapa ayeke tokua ngonzo ti lo, ngu ayeke suku mingi, amu aye ti lo ahon na ni.

Amato 10:2

Amosoro so zo awara na lege ti sioni ayeke sara nzoni na lo pepe; me sarango ye ti mbirimbiri ayeke zi zo na ya ti kuâ.

Amato 12:28

Fini ayeke na ndo so sarango ye ti mbirimbiri ayeke daa; zo so amu lege so, lo yeke kui pepe.

Amato 6:34

Biani, mbanda ayeke sara si ngonzo ti wâ alondo na be ti koli ti wali ni; na lango so koli ni ayeke kiri na peko ti sioni ni, lo yeke baa mawa ti zo pepe.

Ésaïe 10:3

Na lango ti fango ngbanga, fade ala yeke sara nyen? Na ngoi so kota pupu so ayeke buba ye kue alondo yongoro ti ga, fade ala yeke sara nyen? Ala yeke kpe na ndo ti zo wa titene lo mu maboko na ala? Ala yeke zia amosoro ti ala na ndo wa?

Ezekiel 14:14

Ataa akoli ota so, Noe, Daniel na Job ayeke fade na popo ti azo ti kodro ni, mbirimbiri ti ala ayeke soo gi fini ti ala wani. So tënë ti yanga ti Kota Gbia NZAPA laa.

Ezekiel 7:19

Ala yeke tuku nginza ti ala na ndö ti alege, lôro ti ala ayeke ga tongana zende na le ti ala. Na lango ti ngonzo ti KOTA GBIA, nginza na lôro ti ala alingbi ti soo ala pepe. Ala yeke wara kobe ti kai na nzara ti ala pepe, ala yeke kui nzara, ngbanga ti so nginza na lôro laa abi ala na ya ti siokpari.

Sofonii 1:18

Na lango so KOTA GBIA ayeke sara kota ngonzo, fade wen ti nginza ti ala, wala lôro ti ala ayeke soo ala na kuâ pepe; mbanda ti lo so ayeke londo tongana wâ ayeke gbi sese kue. Biani, ye ni ayeke duti ye ti ziango kota mbeto na be ti zo. KOTA GBIA ayeke fâ azo ti sese kue ti hunzi ala.

Matthieu 16:26

Tongana zo awara aye ti dunia so kue si lo girisa fini ti lo, nzoni ye ti nyen laa lo yeke wara na peko ni? Nyen laa zo alingbi ti mu ti vo na fini ti lo?

Nzoni Tënë so Luc asu na mbeti 12:20

Me Nzapa atene na lo: ‘Mo buba zo! Gi na bi so mo yeke kui. Me aye so mo bongbi ni kue so, zo wa laa ayeke wara ni, zo wa?’ ”

Rome 5:17

Biani, na lege ti zo oko, na lege ti siokpari ti zo oko, kuâ ayeke na ngangu na ndö ti azo kue; me na lege ti zo oko so ayeke Jésus Christ, azo awara aye ahon ndoni, ngbanga ti nzoni be so Nzapa asara si ala ga mbirimbiri. Na lege ti Christ, fade ala yeke duti na fini si ala yeke le-gbia legeoko na lo.

1 Timothée 4:8

Tarango tere na lege ti angia ti wanguru ayeke sara nzoni na zo gi kete; me gbungo tënë ti Nzapa ngangu ayeke sara nzoni na zo na ya ti aye kue. Biani, ndali ti zo so, zendo ti duti na fini laso nga na ngoi so ayeke ga gbanda ayeke daa.