Amato 11:31 - Mbeti ti Nzapa - Tënë so amu fini

³¹ Zo ti mbirimbiri awara futa ti lo na sese so awe; ayeke nzoni azo ahinga biani atene, fade zo ti sioni na zo ti siokpari ayeke wara nga ye so alingbi na ala!

Amato 11:31 ပူးပေါင်းရင်းမြစ်များ

2 Samuel 22:21

KOTA GBIA asara na mbi aye so, ngbanga ti so sarango ye ti mbi ayeke mbirimbiri; lo sara nzoni na mbi, ngbanga ti so mbi sara ye na lege ti taa tënë.

2 Samuel 22:25

KOTA GBIA asara nzoni na mbi, ngbanga ti so sarango ye ti mbi ayeke mbirimbiri; lo kiri nzoni na mbi, ngbanga ti so mbi sara ye na lege ti taa tënë.

1 Agbia 13:24

Zo ti Nzapa ni ako na ndö ti lele ni si lo mu lege ti gue. Mbeni bamara awara lo na lege si afâ lo. Kuâ ti zo ti Nzapa ni alango na ndö ti lege; lele ni aluti na mbage ti lege si bamara ni aluti nga na mbeni mbage ni.

Amato 12:1

Zo so aye titene a gboto mê ti lo, lo ye ti manda ye; zo so ake titene a suku na lo, lo yeke zo ti buba.

Amato 13:21

Sioni ye ayeke tumba peko ti azo ti siokpari; ti azo ti mbirimbiri, gi nzoni ye laa ala yeke wara daa.

Amato 26:10

Zo so amu kua na zo ti buba, wala na zo so ayeke hon hongo na lege, lo yeke tongana makonzi so apika azo kue si ala wara ka.

Ésaïe 13:11

KOTA GBIA atene: “Fade mbi yeke fâ ngbanga na ndö ti azo ti dunia ndali ti sioni ti ala, na ndö ti azo ti sioni ndali ti sioni ti ala. Mbi yeke kai baba ti azo ti sioni yanga, mbi yeke hunzi baba ti azo ti nikango amba ti ala.

Ésaïe 3:11

Me ti zo ti sioni, so mawa na lo! Fade ye ti lo kue ayeke ga sioni, a yeke sara na lo alingbi na asarango ye ti lo.

Jérémie 25:29

Biani, gbata so a zia nde ndali ti mbi, mbi yeke to nda ti tokua kota kpale ti ti na ndö ni. Ala baa ti ala atene, ala yeke sigigi na ya ni? Oko pepe, fade ala yeke sigigi na ya ni pepe. Me gi bira laa mbi yeke tokua na tere ti azo ti dunia kue; so tënë ti yanga ti KOTA GBIA laa.”

Ezekiel 44:10

“Azo ti mara ti Lévi so ahon yongoro na tere ti mbi na ngoi so azo ti Israel amu lege ti kirikiri, ala do mbi azia si ala gue na peko ti ayanda. Ti azo ti mara ti Lévi ni so, fade sioni ti ala ayeke ngba na li ti ala.

Osée 4:9

Oko ye so ayeke si na azo ti mbi, ni laa ayeke si na awayango-sandaga. Fade mbi yeke kiri na ala peko ti sioni dutingo ti ala, mbi yeke kiri na ala peko ti sioni sarango ye ti ala.