Amato 11:28 - Mbeti ti Nzapa - Tënë so amu fini

²⁸ Zo so azia be ti lo na ndö ti amosoro ti lo, fade lo yeke ti; me azo ti mbirimbiri ayeke mai tongana keke so akugbe ni angba fini ni.

Amato 11:28 ပူးပေါင်းရင်းမြစ်များ

Abia (Psaumes) 1:3

Lo yeke tongana keke so a lu na tere ti ngu: keke so ayeke le na ngoi ti lengo ni, akugbe ti lo angba fini lakue. Aye so kue zo ni ayeke sara ayeke ga nzoni.

Abia (Psaumes) 49:6

Na ngoi so ye aga ngangu na mbi, na ngoi so azo so sarango ye ti ala ayeke mbirimbiri pepe angoro mbi ti sara sioni na mbi, mbi yeke sara mbeto ngbanga ti nyen?

Abia (Psaumes) 62:10

Biani, akete zo ayeke gi pupu senge; akota zo ayeke tene gi mvene senge. Tongana a zia ala kue na ndö ti kilo, fade nengo ti pupu ayeke hon nengo ti ala.

Amato 10:15

Amosoro ti zo ti mosoro ayeke tongana ngangu gbagba na tere ti lo; me mawa ti wayere ayeke buba lo.

Ésaïe 60:21

Azo ti mo, ala kue ayeke duti azo ti mbirimbiri, sese ni ayeke ga ye ti ala kpu na kpu. Ala kpa kete keke so mbi lu; ala yeke azo so mbi wani, mbi sara ala na maboko ti mbi titene ala fa gonda ti mbi.

Jérémie 17:8

Lo yeke tongana keke so a lu na tere ti ngu, keke so agunda ni ali sese na tere ti kete ngu. Tongana ndo-wâ aga, mbeto ti mbeni ye asara lo oko pepe; akugbe ti keke ni angba lakue fini ni. Ataa ngu apika pepe na ya ti ngu oko, lo yeke gi be ti lo pepe, me lo yeke le lakue.”

Nzoni Tënë so Luc asu na mbeti 12:20

Me Nzapa atene na lo: ‘Mo buba zo! Gi na bi so mo yeke kui. Me aye so mo bongbi ni kue so, zo wa laa ayeke wara ni, zo wa?’ ”

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.