Amato 11:26 - Mbeti ti Nzapa - Tënë so amu fini

²⁶ Zo so ayeke bongbi ale ti kobe ti bata ni batango, fade azo ti kodro ayeke deba lo. Me zo so ayeke ka ale ti kobe ni, azo ti kodro ayeke sara tufa na ndö ti lo.

Amato 11:26 ပူးပေါင်းရင်းမြစ်များ

Tongo nda ti aye 42:6

Joseph laa ayeke kota komanda ti kodro ni kue; lo laa lo yeke baa lege ti kango ale ti kobe na azo ti kodro kue. Tongaso a-ita ti Joseph asi, ala kuku, akpo li ti ala na sese na gbe ti lo.

Tongo nda ti aye 47:14

Joseph abongbi nginza so kue azo ti Ezipte na ala ti Kanaan avo na ale ti *ble si lo gue na nginza ni na yangbo ti Faraon.

Mbeti ti Job 29:13

Azo so aga nduru ti kui ayeke sara tufa na ndö ti mbi; mbi yeke zia ngia na be ti awali-mua.

Amato 10:6

Tufa ayeke ga na ndö ti zo ti mbirimbiri; me atënë ti zo ti sioni ahonde aye ti sarango ngangu na zo.

Amato 24:24

Tongana mbeni wafango-ngbanga atene na zo so tënë ayeke na li ti lo, atene: “Tënë ayeke na li ti mo pepe”, azo ti kodro ayeke deba wafango-ngbanga ni; amara ayeke ke lo.

Amato 28:27

Zo so ayeke mu ye na awayere, fade ye ayeke tia lo pepe; me zo so ayeke baa ndo na ala pepe, azo mingi ayeke deba lo.