Amato 11:23 - Mbeti ti Nzapa - Tënë so amu fini

²³ Nzara ti be ti azo ti mbirimbiri ayeke gi ye oko: sarango nzoni ye. Me ti azo ti sioni, ye so ala yeke ku ayeke gi ngonzo.

Amato 11:23 ပူးပေါင်းရင်းမြစ်များ

Abia (Psaumes) 10:17

KOTA GBIA, mo ma ye so azo so asara tere ti ala kete aye; mo mu ngangu na be ti ala, mo zi mê ti mo, mo ma ala.

Abia (Psaumes) 119:10

Mbi gi mo na be ti mbi kue; sara si mbi hon nde na atënë ti ndia ti mo pepe.

Abia (Psaumes) 119:5

Ayeke nzoni tambula ti mbi ague mbirimbiri titene mbi sara ye alingbi na ambela ti mo.

Abia (Psaumes) 27:4

Mbi hunda gi ye oko na KOTA GBIA, ye so be ti mbi aye mingi ayeke so: mbi ye ti duti na ya ti kota da ti lo, mbi ye ti duti kâ na lango ti fini ti mbi kue ti ngba ti baa pendere ti lo lakue. Kâ, mbi yeke ku titene lo kiri tënë na mbi.

Abia (Psaumes) 37:4

Gi lege ti wara ngia ti mo na lege ti KOTA GBIA, fade lo yeke mu na mo ye so be ti mo aye.

Amato 10:28

Ye so azo ti mbirimbiri alingbi ti ku ayeke ngia; me ye so azo ti sioni azia be ti ala ti ku, ala yeke ku ni gbaa.

Amato 11:24

Ambeni zo ayeke mu ye mingi na amba ti ala si ala ga azo ti mosoro ahon ndoni. Me ambeni zo agbanzi ye gi ndali ti ala wani si ala ga awayere.

Amato 11:7

So zo ti sioni akui, ye so lo zia be ti lo daa ti ku ahon; ziango be so lo zia na ndö ti mosoro ti lo ahon nga.

Amato 12:5

Tënë ti be ti azo ti mbirimbiri ayeke sarango ye na lege ti ndia; me ti azo ti sioni, ala ye gi handango azo.

Amato 13:2

Atënë so zo atene alingbi ti sara si lo wara nzoni ye na pekoni; me ti azo ti kango zo, gi nzara ti sarango ngangu na zo laa ayeke na be ti ala.

Ésaïe 26:9

Na bi, be ti mbi ayeke na nzara ti mo, mbi yeke gi mo na be ti mbi kue. Tongana mo fâ ngbanga ti mo na li ti azo ti sese so, azo ti dunia ayeke manda ti sara ye ti mbirimbiri.

Jérémie 17:16

KOTA GBIA, mbi laa mbi pusu mo titene mo bi kpale na sese pepe. Mbi ye pepe titene lango ti kota kpale tongaso asi, mo hinga kue. Tënë so asigigi na yanga ti mbi, ni laa ayeke na le ti mo so.

Matthieu 5:6

Ti ala nzoni, ala so nzara ti sarango ye ti mbirimbiri ayeke sara ala tongana ti so nzara ti kobe na ti ngu ayeke sara zo, ngbanga ti so Nzapa ayeke mu ande na ala ye so be ti ala aye!

Ahebro 10:27

Me ye so angba ayeke gi ti ku na kota mbeto na be ngbanga ti Nzapa na kota wâ so ayeke gbi azo so ake Nzapa.