Amato 11:20 - Mbeti ti Nzapa - Tënë so amu fini

²⁰ Be ti KOTA GBIA ake mingi azo so be ti ala asi singo na atënë ti mayere; me be ti lo anzere na azo so sarango ye ti ala ayeke na legeni.

Amato 11:20 ပူးပေါင်းရင်းမြစ်များ

1 Mbai 29:17

Nzapa ti mbi, mbi hinga so mo laa mo yeke baa ya ti be ti zo si mo yeda na ye so ayeke mbirimbiri. Ti mbi, na be so ayeke mbirimbiri laa mbi mu aye so kue na mo na be ti mbi wani. Fadeso, mbi yeke na ngia ti baa azo ti mo so abongbi ge ti mu ye na mo na be ti ala wani.

Abia (Psaumes) 101:4

Zo so be ti lo asi singo na atënë ti mayere, mbi ye lo ga nduru na tere ti mbi pepe; mbi ye ti hinga sioni ye oko pepe.

Abia (Psaumes) 11:7

Biani, KOTA GBIA ayeke mbirimbiri, sarango ye ti mbirimbiri laa anzere na lo; azo so sarango ye ti ala ayeke na legeni laa ayeke baa ande le ti lo.

Abia (Psaumes) 119:1

Ti ala nzoni, azo so tambula ti ala alingbi kue si sarango ye ti ala alingbi na *Ndia ti *KOTA GBIA!

Abia (Psaumes) 140:13

Mbi hinga so KOTA GBIA ayeke fâ ngbanga ti zo ti mawa mbirimbiri, lo yeke fâ ngbanga ti azo so ye atia ala na legeni.

Abia (Psaumes) 51:6

Mbi sara siokpari so ake mo, ake gi mo oko; mbi sara ye so ayeke sioni na le ti mo. Tongaso, fade azo ayeke baa so mo yeke mbirimbiri na lege ti tënë ti yanga ti mo; fade ala yeke baa so fango ngbanga ti mo ayeke na legeni.

Amato 11:21

Taa-tënë, fade zo ti sioni ayeke wara ngbanga ti sioni ti lo; me azo ti mbirimbiri kue ayeke sigigi daa.

Amato 12:22

Be ti KOTA GBIA ake mingi azo ti mvene; me lo ye azo so ayeke sara ye na lege ti taa-tënë.

Amato 13:6

Sarango ye ti mbirimbiri ayeke bata zo so dutingo ti lo ayeke na legeni; me siokpari ayeke buba fini ti azo ti sioni.

Amato 14:9

Azo ti buba ayeke sara sioni ye, me tënë ni ayeke so ala oko pepe. Ti azo so sarango ye ti ala ayeke na legeni, ala yeke sara nzoni be na popo ti ala.

Amato 15:26

Be ti KOTA GBIA ake mingi tënë ti sioni pialo; me atënë so zo atene na nzoni be, sioni ye oko ayeke daa pepe.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 16:17

Azo so sarango ye ti ala ayeke na legeni, ala yeke kpe lege ti sioni ye; zo so aye ti bata fini ti lo, lo yeke sara hange na lege ti dutingo ti lo.

Amato 21:29

Zo ti sioni asara tere ti lo tongana zo so alingbi awe; me zo ti mbirimbiri ayeke sara si mbeni ye ayeke yingi dutingo ti lo pepe.

Amato 3:32

Biani, be ti KOTA GBIA ake mingi azo so ake lege ti lo, me lo yeke fa atënë ti be ti lo na azo ti mbirimbiri.

Amato 6:14

Gi atënë ti kirikiri laa ayeke na be ti lo; lo yeke gbu li ti lo lakue ti sara sioni ye; lo yeke bi tënë ti papa na popo ti azo.

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Amato 9:7

Zo so agboto mê ti zo ti hengo ndo, ye so lo yeke wara na pekoni ayeke so a yeke baa lo tongana mbumbuse zo. Zo so asuku na zo ti sioni, lo yeke wara gi zonga.