Amato 11:13 - Mbeti ti Nzapa - Tënë so amu fini

¹³ Zo so ayeke fono ti du mvene na li ti azo, lo yeke sigigi na atënë so ahonde. Me zo so mo lingbi ti zia be ti mo na ndö ti lo, lo yeke sigigi na tënë ni oko pepe.

Amato 11:13 ပူးပေါင်းရင်းမြစ်များ

Amato 10:19

Zo so ayeke diko atënë gbani gbani, gbaa lo yeke sara sioni; me zo so ayeke bata yanga ti lo, lo yeke zo ti ndara.

Amato 11:12

Zo so akasa mba ti lo, li ti lo ayeke daa pepe; me zo so ahinga ndo, lo kai ti lo kpoo.

Amato 12:23

Zo ti hango le ayeke honde ye so lo hinga; me azo ti buba afa polele tënë ti buba ti ala.

Amato 14:5

Zo so ayeke na tere ti mbeni tënë si mo lingbi ti zia be ti mo na ndö ti lo, lo yeke tene mvene pepe; me zo so ayeke tene mbeni tënë nde na so lo yeke fade na tere ni, lo yeke du gi mvene.

Amato 19:11

Zo ti hingango ndo ayeke sara ngonzo hio hio pepe; tongana azo asara sioni na lo si lo baa ni tongana ye pepe, tongaso laa lo yeke ne tere ti lo.

Amato 20:19

Zo so afono na iri ti amba ti lo, lo yeke fa nga na gigi atënë so ahonde; mo kpe lege ti azo so ayeke diko atënë gbani gbani.

Amato 25:9

Tongana mo na mba ti mo awara tënë, ayeke nzoni mo na lo aleke tënë ni; me tënë so mbeni zo atene na mo na hondengo ni, mo sigigi na ni pepe.

Jérémie 38:27

Andaa taa-tënë, aturugu ti kota kamba aga abaa Jérémie si ala hunda lo na tënë. Me Jérémie akiri tënë na ala gi tongana ti so gbia amu fade yanga na lo. Tongaso ala zia lo kpoo, ngbanga ti so tënë ni ade na gbe mingo.

Awayango-sandaga 19:16

Ala du mvene na li ti azo ti kodro ti ala pepe. Ala bi tënë na li ti mba ti ala titene a fâ ngbanga ti kuâ na li ti lo pepe. Mbi laa mbi yeke KOTA GBIA.

1 Timothée 5:13

Gi so oko pepe: ala yeke duti gi senge senge tongaso si ala mu gi kua ti fonongo na ya ti ada oko oko; na ndö ni, ala kiri ayeke diko atënë mingi mingi si ala yeke yoro yanga ti ala na ya ti tënë ti azo, ala yeke tene atënë ti kirikiri mingi.

Josué 2:14

Azo ti bembengo ndo ni akiri tënë na lo: “E deba tere ti e na mo na le ti Nzapa: tongana mo sigigi na nda ti gango ti e na mbeni zo pepe, fade e yeke sara nzoni be na mo si e yeke sara ye na mo na legeni na ndembe so KOTA GBIA ayeke mu kodro ni na e.”

Josué 2:20

Me tongana mo sigigi na nda ti gango ti e ni na mbeni zo, andaa tënë ti dengo ba so mo hunda e si e de so, ayeke na li ti e mbeni pepe.”