Amato 11:10 - Mbeti ti Nzapa - Tënë so amu fini

¹⁰ Tongana ye ti azo ti mbirimbiri aga nzoni, azo ti gbata ni ayeke na ngia; tongana azo ti sioni akui, azo ti gbata ni ayeke dekongo na ngia.

Amato 11:10 ပူးပေါင်းရင်းမြစ်များ

2 Agbia 11:20

Azo kue ayeke na ngia. Na peko ti so a fâ Atalii awe na yangbo ti gbia, gbata ni akiri aduti kpoo.

2 Mbai 23:13

Lo baa ndo si lo baa gbia so ayeke luti na ndö ti mbeni ye so a leke na nduzu titene agbia aluti daa, na yanga ti kota da ti Nzapa. Amakonzi na azo ti hurungo tatalita ayeke nduru na tere ti gbia. Azo ti kodro kue ayeke na ngia si ambeni ayeke huru tatalita. Azo ti pikango mozoko ayeke pika aye ti mozoko ti ala; azo ti hengo bia amu agbakuru ti bia ti ala si ala yeke mu li ti abia ti sepelango Nzapa. Atalii asuru bongo na tere ti lo si lo dekongo, lo tene: “So kango zo laa! So kango zo laa!”

2 Mbai 23:21

Azo ti kodro kue ayeke na ngia. Na peko ti so a fâ Atalii awe, gbata ni akiri aduti kpoo.

Mbeti ti Job 27:23

Azo ayeke pika maboko na tingo ti lo; na ndo so lo yeke lani daa, azo ayeke huru yanga ti ala.

Sigingo 15:21

Miriam amu li ti bia ni na ala, atene: “Ala he bia na KOTA GBIA, lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!”

Amato 11:11

Ndali ti anzoni sarango ye ti ala, azo ti mbirimbiri asara si aye ti nzoni aga na ya ti gbata ti ala. Me azo ti sioni ayeke buba gbata ni na lege ti atënë ti yanga ti ala.

Amato 28:12

Tongana azo ti mbirimbiri abaa nzoni, kota ngia ayeke daa; me tongana azo ti sioni asi na kota ndo, azo kue ayeke honde tere ti ala.

Amato 28:28

Tongana azo ti sioni asi na kota ndo, azo kue ayeke honde tere ti ala. Tongana azo ti sioni ni akui, azo ti mbirimbiri ayeke ga gbani gbani.

Amato 29:2

Tongana azo ti mbirimbiri awu mingi, azo ti kodro ayeke na ngia; me tongana zo ti sioni laa ayeke na ndö ti mbata ti gbia, azo ayeke dema.

Jérémie 51:48

Fade azo ti bubango kodro ti Babilone ayeke londo na mbage ti Banga ti ga. Tongaso yayu na sese ayeke he bia ti songo benda na ndö ti Babilone.” So tënë ti yanga ti KOTA GBIA laa.

Awafango-ngbanga 5:31

KOTA GBIA, ayeke nzoni awato ti mo kue akui tongana ti so Sisra akui. Ayeke nzoni ala so aye mo aga tongana lâ so ato nda ti su na ngangu!” Tongaso siriri akiri na ya ti kodro ni na ya ti ngu baleosio.