Amato 10:9 - Mbeti ti Nzapa - Tënë so amu fini

⁹ Zo so sarango ye ti lo ayeke na legeni, ye ti sioni alingbi ti si na lo oko pepe; me zo so ayeke sara ye na lege ti mayere, fade azo ayeke sigigi na nda ti lo.

Amato 10:9 ပူးပေါင်းရင်းမြစ်များ

Tongo nda ti aye 17:1

Abram ayeke na ngu balegumbaya na gumbaya si KOTA GBIA asi na lo; lo tene na lo: “Mbi yeke Nzapa so ngangu ti mbi ahon angangu kue. Tambula na lege so mbi ye; mo sara aye ti mo kue gi na legeni.

Mbeti ti Job 8:20

Zo so ayeke sara ye na legeni, Nzapa ayeke ke lo pepe. Azo ti sarango sioni, lo yeke mu maboko na ala pepe.

Abia (Psaumes) 23:4

Ataa mbi hon na popo-hoto so avuko pitipiti, mbeto ti sioni ye oko asara mbi pepe, ngbanga ti so mo KOTA GBIA, mo yeke na mbi. Na keke ti mo ti wabatango-taba, mo yeke fa lege na mbi, mo yeke bata mbi; ye so ayeke mu ngangu na be ti mbi laa!

Abia (Psaumes) 25:21

Mbi zia be ti mbi ti ku mo; mo bata mbi na lege ti taa-tënë nga na lege ti ye ti mbirimbiri.

Abia (Psaumes) 84:11

Dutingo lango oko na ya ti gbagba ti kota da ti mo ayeke nzoni ahon dutingo lango saki oko na mbeni ndo nde. Ti mbi, mbi ye ti duti gi na yanga ti da ti Nzapa ahon ti sara kodro na da ti azo ti sioni.

Amato 17:20

Zo so ayeke na be ti kirikiri, lo yeke baa nzoni pepe; zo so ayeke tene sioni tënë na tere ti amba ti lo, lo yeke ti na ya ti akpale.

Amato 26:26

Na lege ti mayere, lo lingbi ti honde tënë ti kengo azo, me fade sioni ti lo ayeke sigigi na le ti azo kue polele.

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Amato 28:18

Zo so ayeke sara ye na lege ti taa-tënë, fade lo yeke soo kuâ; me zo so ayeke sara ye ge nde si lo yeke sara kâ nde, oko ti asarango ye ni ayeke sara si lo ti.

Amato 3:23

Tongaso, mo yeke tambula, mbeni ye ti sara mo ayeke daa pepe; mbeni ye ti gbu gere ti mo titene mo ti ayeke daa pepe.

Matthieu 10:26

“Ala sara mbeto ti zo pepe! Ye so kue angba na hondengo ni, fade nda ni ayeke sigigi; ye so kue angba na gbe mingo, fade azo ayeke hinga tënë ni.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

1 Timothée 5:25

Anzoni ye so zo asara, azo ayeke baa ni na le ti ala. Ataa anzoni ye so zo abaa ni hio pepe, alingbi ti ngba na hondengo ni pepe.