Amato 10:7 - Mbeti ti Nzapa - Tënë so amu fini

⁷ Zo ti mbirimbiri, be ti azo ayeke girisa na lo pepe; me ti zo ti sioni, be ti azo ayeke girisa na lo biani biani.

Amato 10:7 ပူးပေါင်းရင်းမြစ်များ

1 Agbia 11:36

Me fade mbi yeke zia mbeni mara oko na molenge ti Salomon titene mbeni hale ti David, zo ti kua ti mbi angba na ndö ti mbata ti gbia lakue na dawa ti mbi na Jérusalem. Biani, Jérusalem ayeke gbata so mbi soro ni titene iri ti mbi aduti daa.

2 Agbia 19:34

Fade mbi yeke bata gbata so si mbi yeke soo ni ndali ti mbi nga ndali ti David, zo ti kua ti mbi.”

2 Mbai 24:16

A lu lo na Gbata ti David, na ndo so a yeke lu agbia daa. Biani, lo sara nzoni na azo ti Israel, lo sara nzoni ndali ti Nzapa nga ndali ti kota da ti Nzapa.

2 Mbai 32:33

Ezekias akui, lo hon na peko ti ababâ ti lo, a lu lo na ndo so a yeke lu *ahale ti David daa, na mbage ti nduzu; azo ti Juda kue na azo ti Jérusalem amu nengo na kuâ ti lo. Molenge ti lo Manase laa aga gbia na peko ti lo.

Mbeti ti Job 18:17

Na ya ti kodro, azo ayeke kiri ti dabe ti ala na lo pepe, ala yeke kiri ti di iri ti lo na mbeni ndo pepe.

Mbeti ti Job 24:20

Be ti amama ti dungo ala ayeke girisa ala, azo ni ayeke ga nzoni kobe ti angusu. Be ti azo ayeke girisa na ala biani biani; sioni sarango ye ti ala ahunzi awe tongana keke so akungbi.

Mbeti ti Job 27:23

Azo ayeke pika maboko na tingo ti lo; na ndo so lo yeke lani daa, azo ayeke huru yanga ti ala.

Abia (Psaumes) 109:13

Ayeke nzoni a zi *ahale ti lo biani biani si na ya ti angu so ayeke ga na peko so, zo akiri ama iri ti ala pepe!

Abia (Psaumes) 109:15

Ayeke nzoni KOTA GBIA adabe ti lo na siokpari ti ala lakue, lo zi iri ti azo ni na ndö ti sese so biani biani!

Abia (Psaumes) 112:6

Biani, mbeni ye ayeke yingi lo laoko pepe; azo ayeke dabe ti ala na zo ti mbirimbiri kpu na kpu.

Abia (Psaumes) 34:16

Le ti KOTA GBIA ayeke na ndö ti azo ti mbirimbiri, mê ti lo ayeke ma dekongo ti ala.

Abia (Psaumes) 34:17

Me KOTA GBIA ake azo ti sarango sioni, lo ye ti zi iri ti ala biani biani na ndö ti dunia so.

Abia (Psaumes) 41:5

Ti mbi, mbi tene: “KOTA GBIA, baa mawa ti mbi, kai kobela ti mbi; biani mbi sara siokpari so ake mo.”

Amato 22:1

Titene iri ti zo awu nzoni, so laa ayeke nzoni ahon titene lo duti na gba ti mosoro. Titene azo aye lo, so laa ayeke nzoni ahon titene lo duti na wen ti nginza na lôro.

Zo ti bongbingo azo 8:10

Tongaso mbi baa azo alu kuâ ti azo ti sioni. Ala yeke gue lakue na kota da ti Nzapa. Me na ya ti gbata, be ti azo agirisa na sarango ye ti ala. Ye so nga ayeke gi senge senge.

Ésaïe 14:22

So tënë ti yanga ti KOTA GBIA so ayeke na ndö ti dunia kue laa: “Fade mbi yeke londo na tere ti azo ti Babilone, mbi yeke zi iri ti Babilone, na tanga ti azo ti gbata ni so angba na fini, amolenge ti ala nga na *ahale ti ala. So tënë ti yanga ti KOTA GBIA laa.

Jérémie 17:13

*KOTA GBIA, mo laa azo ti Israel azia be ti ala ti ku mo. Azo so kue ado mo azia, ayeke nzoni kamene agbu le ti ala. Azo so azia lege ti mo, ala yeke tongana azo so a su iri ti ala na ya ti fuku ti sese. Biani, ala do mo azia mo awe, KOTA GBIA, mo so mo yeke li ti ngu so ayeke mu fini na zo.

Marc 14:9

Mbi tene na ala taa-tënë: na ndo so kue azo ayeke fa ande Nzoni Tënë daa, na ndö ti dunia kue, azo ayeke fa tënë ti ye so wali so asara si azo adabe ti ala na lo.”

Nzoni Tënë so Luc asu na mbeti 1:48

ngbanga ti so lo baa mbi na nzoni le, mbi so mbi yeke senge zo ti kua ti lo. Biani, ti londo na azo ti fadeso ti gue na ni, fade azo ti angoi kue ayeke tene tënë ti mbi nzoni,