Amato 10:4 - Mbeti ti Nzapa - Tënë so amu fini

⁴ Zo so maboko ti lo ane na kua, lo yeke ga wayere; me zo so maboko ti lo ayapu na kua, lo yeke ga zo ti mosoro.

Amato 10:4 ပူးပေါင်းရင်းမြစ်များ

Tongo nda ti aye 26:32

Gi na lango ni so azo ti kua ti Isaac aga afa na lo peko ti tënë ti du ti ngu so ala zi so. Ala tene na lo: “E wara ngu awe.”

Amato 10:5

Zo so abongbi ale ti kobe na ngoi ti fango le ni, lo yeke zo ti ndara; me zo so alango na ngoi ni so, a yeke baa lo tongana mbumbuse zo.

Amato 11:24

Ambeni zo ayeke mu ye mingi na amba ti ala si ala ga azo ti mosoro ahon ndoni. Me ambeni zo agbanzi ye gi ndali ti ala wani si ala ga awayere.

Amato 12:24

Zo so maboko ti lo agbu kua ngangu, fade lo yeke sara komandema; me zo ti sopo ayeke ga ngbaa.

Amato 12:27

Zo ti sopo ayeke wara nyama ti zongo ni pepe; me zo so agbu kua ngangu, so ayeke nzoni ye mingi ndali ti lo.

Amato 13:4

Zo ti sopo asara nzara ti ye, me lo yeke wara ni pepe; me azo so ayeke gbu kua ngangu, ala yeke wara aye gbani gbani.

Amato 18:9

Zo so asara sopo na kua ti lo, lo yeke ita ti zo so abuba kua ni.

Amato 19:15

Sopo ayeke sara si zo ati na ya ti kota lango; zo so asara kua pepe, nzara ayeke fâ lo.

Amato 19:24

Zo ti sopo ayeke yoro maboko ti lo na ya ti sembe ti kobe, me lo yeke kiri na maboko ni na yanga ti lo pepe.

Amato 20:13

Tongana mo ye ti ga wayere, mo lango na ngoi kue! Me tongana mo ye ti te kobe, ya ti mo asi, mo zi le ti mo ngaan, mo baa ndo!

Amato 20:4

Na ngoi ti fango yaka, zo ti sopo aye ti fâ yaka pepe; na ngoi ti fango ale ti kobe, lo yeke gue ti gi kobe, me lo yeke wara ye oko pepe.

Amato 21:5

Zo so agbu li ti lo na ndö ti ye so lo ye ti sara, fade lo yeke wara ye gbani gbani; me zo so asara ye na loro na loro, ye ayeke tia lo.

Zo ti bongbingo azo 10:18

Zo so ayeke zo ti sopo, li ti da ti lo ayeke ti; zo so ayeke sara kua na wokongo tere, li ti da ti lo ayeke yuru.

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.