Amato 10:32 - Mbeti ti Nzapa - Tënë so amu fini

³² Zo ti mbirimbiri ayeke tene tënë na nzoni be; me azo ti sioni ayeke tene gi mvene.

Amato 10:32 ပူးပေါင်းရင်းမြစ်များ

Amato 11:11

Ndali ti anzoni sarango ye ti ala, azo ti mbirimbiri asara si aye ti nzoni aga na ya ti gbata ti ala. Me azo ti sioni ayeke buba gbata ni na lege ti atënë ti yanga ti ala.

Amato 12:18

Zo so ayeke diko atënë gbani gbani, atënë ni ayeke kpo zo tongana yongoro zeme; me atënë ti azo ti ndara ayeke tongana yoro ti kaingo na kobela.

Amato 12:6

Atënë ti yanga ti azo ti sioni ayeke tongana kuku so ayeke fâ zo; me atënë ti azo ti mbirimbiri ayeke zi ala na kuâ.

Amato 15:2

Tënë ti azo ti ndara ayeke zia nzara ti mandango ye na be ti zo; me ti azo ti buba, gi abuba tënë laa ayeke sigigi na yanga ti ala.

Amato 15:28

Zo ti mbirimbiri ayeke gbu li ti lo kozoni si lo kiri tënë; me zo ti sioni ayeke de na gigi asioni tënë.

Amato 2:12

Aye use so ayeke sara si mo kpe lege ti sioni sarango ye; ala yeke zi mo na maboko ti azo ti tenengo mvene;

Amato 4:24

Mo zia atënë ti mvene asigigi na yanga ti mo pepe, mo tene asioni tënë na iri ti amba ti mo pepe.

Amato 6:12

Zo so ayeke diko atënë ti mvene na ndo kue, lo yeke mbumbuse zo; lo yeke zo ti sarango sioni.

Zo ti bongbingo azo 10:12

Tënë ti yanga ti zo ti ndara anzere na be ti azo; me tënë ti yanga ti zo ti buba afâ lo.

Zo ti bongbingo azo 12:10

Zo ti bongbingo azo asara kue ti wara anzerengo tënë. Lo su atënë ni mbirimbiri na mbeti, atënë ni ayeke taa-tënë.

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Tite 2:8

Mo tene gi tënë so ayeke na legeni si zo alingbi ti kasa ni pepe, tongaso si wato agi tënë ti bi na li ti e gbaa si kamene agbu lo.