Amato 10:3 - Mbeti ti Nzapa - Tënë so amu fini

³ KOTA GBIA ayeke zia zo ti mbirimbiri ti kui nzara pepe; me lo yeke gbanzi lege na zo ti sioni ti wara ye so lo sara nzara ni.

Amato 10:3 ပူးပေါင်းရင်းမြစ်များ

Mbeti ti Job 15:23

Lo yeke kpe mbage na mbage ti gi kobe, me na ndo wa? Lo hinga lo tene, ye so ayeke ku lo ayeke vukongo ndo.

Mbeti ti Job 20:28

Na lango so Nzapa ayeke tokua ngonzo ti lo, ngu ayeke suku mingi, amu aye ti lo ahon na ni.

Mbeti ti Job 5:20

Na ngoi ti nzara, lo yeke soo mo na kuâ; na ngoi ti bira, lo yeke zi mo na yanga ti yongoro zeme.

Abia (Psaumes) 10:14

KOTA GBIA, mo baa ye kue: mo yeke baa azo so ayeke baa pasi na azo ti mawa; mo ye ti mu tënë ti ala na maboko ti mo. Zo so ayeke na ngangu pepe, lo zia be ti lo kue na ndö ti mo; mo laa mo yeke mu maboko na nyindu.

Abia (Psaumes) 112:10

Zo ti sioni ayeke baa lo, be ti lo ayeke so, lo yeke te pembe ti lo si lo yeke ti. Ye so zo ti sioni asara nzara ni, fade ye ni ayeke buba kue.

Abia (Psaumes) 33:19

titene lo soo ala na kuâ si lo bata ala na fini na lango ti kota nzara.

Abia (Psaumes) 37:19

Na ngoi ti ye ti vundu, fade kamene ayeke gbu le ti ala pepe. Na ngoi ti kota nzara, fade ala yeke te kobe, ya ti ala asi.

Abia (Psaumes) 37:25

Mbi yeke ando maseka, fadeso mbi ga mbakoro awe; laoko, mbi de ti baa mbeni zo ti mbirimbiri so Nzapa ake lo pepe, wala *ahale ti lo airi kobe pepe.

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Amato 13:25

Zo ti mbirimbiri ayeke te kobe, ya ti lo asi; me zo ti sioni ayeke kui nzara.

Amato 14:32

Zo ti sioni ayeke ti ndali ti sioni sarango ye ti lo; ti zo ti mbirimbiri, ataa lo gue ti kui, be ti lo awoko pepe.

Amato 28:25

Zo so kota be ahon ndö ti lo, lo sara si papa alondo; me zo so azia be ti lo na ndö ti KOTA GBIA, fade lo yeke duti na aye gbani gbani.

Amato 28:9

Zo so akanga mê ti lo ti ma atënë ti Ndia, ataa sambela ti lo, be ti KOTA GBIA ayeke ke ni.

Ésaïe 33:16

Zo tongaso ayeke duti na nduzu kâ. Ndo ti batango tere ti lo ayeke atêne so ayeke tongana ngangu gbagba. A yeke mu na lo kobe ti tengo ni, ngu ti nyongo ni ayeke tia lo pepe.

Sofonii 1:18

Na lango so KOTA GBIA ayeke sara kota ngonzo, fade wen ti nginza ti ala, wala lôro ti ala ayeke soo ala na kuâ pepe; mbanda ti lo so ayeke londo tongana wâ ayeke gbi sese kue. Biani, ye ni ayeke duti ye ti ziango kota mbeto na be ti zo. KOTA GBIA ayeke fâ azo ti sese kue ti hunzi ala.

Nzoni Tënë so Luc asu na mbeti 12:31

Ala gi *Kodro-gbia ti Nzapa kozoni si fade a yeke mu na ala aye so kue na ndö ni.”