Amato 10:19 - Mbeti ti Nzapa - Tënë so amu fini

¹⁹ Zo so ayeke diko atënë gbani gbani, gbaa lo yeke sara sioni; me zo so ayeke bata yanga ti lo, lo yeke zo ti ndara.

Amato 10:19 ပူးပေါင်းရင်းမြစ်များ

Mbeti ti Job 11:2

Mara ti gba ti tënë tongaso, zo alingbi ti kiri tënë daa pepe? Zo adiko gba ti tënë si lo ga mbirimbiri?

Abia (Psaumes) 39:1

Bia ti David; bia so ayeke ndali ti makonzi-bia, nga ndali ti Yedutun.

Amato 11:12

Zo so akasa mba ti lo, li ti lo ayeke daa pepe; me zo so ahinga ndo, lo kai ti lo kpoo.

Amato 11:13

Zo so ayeke fono ti du mvene na li ti azo, lo yeke sigigi na atënë so ahonde. Me zo so mo lingbi ti zia be ti mo na ndö ti lo, lo yeke sigigi na tënë ni oko pepe.

Amato 12:23

Zo ti hango le ayeke honde ye so lo hinga; me azo ti buba afa polele tënë ti buba ti ala.

Amato 18:21

Zo alingbi ti ngba na fini wala ti kui na lege ti atënë ti yanga ti lo. Zo so aye tënë, fade lo yeke wara ye ti peko ni.

Zo ti bongbingo azo 5:1

Yanga ti mo ayapu na tenengo tënë hio hio pepe. Mo do tere ti mo ti mu zendo na Nzapa pepe, ngbanga ti so Nzapa ayeke na yayu si mo yeke ti mo na sese. Tongaso, ayeke nzoni mo diko gba ti atënë pepe.

Zo ti bongbingo azo 5:2

Biani, zo so agi be ti lo mingi, fade lo yeke baa li ti lo; zo so adiko gba ti atënë, fade lo yeke tene abuba tënë.

Zo ti bongbingo azo 5:3

Tongana mo mu zendo ti sara mbeni ye na Nzapa, ayeke nzoni mo sara ye ni hio, ngbanga ti so Nzapa aye azo ti buba pepe. Tongana mo mu zendo awe, ayeke nzoni mo sara ye ni.

Jacques 1:19

A-ita ti mbi so mbi ye ala mingi, ala dabe ti ala na tënë so: alingbi zo oko oko azi mê ti lo hio ti ma na tënë, me alingbi lo tene tënë hio hio pepe, lo sara ngonzo hio hio pepe.

Jacques 3:2

E kue, e yeke girisa lege fani mingi. Tongana mbeni zo agirisa lege na ya ti tenengo tënë ti lo pepe, andaa lo yeke zo ti nzoni kue, lo lingbi ti kanga tere ti lo kue.