Amato 10:14 - Mbeti ti Nzapa - Tënë so amu fini

¹⁴ Azo ti ndara abata hingango ye ti ala tongana mosoro; me atënë ti zo ti buba ayeke buba ndo hio.

Amato 10:14 ပူးပေါင်းရင်းမြစ်များ

Amato 1:5

Zo ti ndara so ayeke ma amato so, fade hingango ye ti lo ayeke kono ahon ti kozoni; zo so ahinga ndo, fade lo yeke manda anzoni kode so ayeke fa na lo nzoni lege.

Amato 10:10

Zo so ate le na amba ti lo, lo zia vundu na be ti azo; me zo so ayeke diko abuba tënë, lo yeke gi titene gigi ti lo abuba.

Amato 10:8

Zo so ayeke na nzoni gbungo-li, lo yeke yeda na andia so a fa na lo; me zo so ayeke diko abuba tënë, lo yeke gi titene gigi ti lo abuba.

Amato 12:23

Zo ti hango le ayeke honde ye so lo hinga; me azo ti buba afa polele tënë ti buba ti ala.

Amato 13:3

Zo so ayeke bata yanga ti lo, lo yeke bata fini ti lo wani; me zo so ayeke diko atënë gbani gbani, lo yeke buba fini ti lo.

Amato 17:20

Zo so ayeke na be ti kirikiri, lo yeke baa nzoni pepe; zo so ayeke tene sioni tënë na tere ti amba ti lo, lo yeke ti na ya ti akpale.

Amato 18:1

Zo so aye ti duti gi lo oko, lo yeke gi gi nzoni ti lo wani. Tongana a ye ti mu na lo wango, lo yeke sara ngonzo.

Amato 18:15

Zo ti gbungo-li ayeke gi lege ti hinga ye; zo ti ndara ayeke gi lege ti ma atënë so ayeke fa ye na lo.

Amato 18:7

Tënë ti zo ti buba ayeke buba fini ti lo wani; atënë ti yanga ti lo aga kuku ndali ti lo wani.

Amato 19:8

Zo so ayeke manda ti gbu li ti lo nzoni, lo yeke sara nzoni na lo wani; zo so asara ngangu kue ti hinga ndo, lo yeke baa nzoni daa.

Amato 21:23

Zo so abata yanga ti lo nga na menga ti lo, lo bata nga tere ti lo titene ye ti ngangu asi na lo pepe.

Amato 9:9

Mu wango na zo ti ndara si fade lo ga zo ti ndara ahon ti kozoni. Fa ye na zo ti mbirimbiri si hingango ye ti lo akiri akono ahon ti kozoni.

Zo ti bongbingo azo 10:12

Tënë ti yanga ti zo ti ndara anzere na be ti azo; me tënë ti yanga ti zo ti buba afâ lo.

Matthieu 12:35

Nzoni zo ayeke sigigi na anzoni ye so ayeke na be ti lo; sioni zo ayeke sigigi na asioni ye so ayeke na be ti lo.

Matthieu 13:44

“*Kodro-gbia ti yayu ayeke tongana mosoro so a honde ni na ya ti yaka. Mbeni zo awara ni si akiri ahonde ni. Be ti lo anzere mingi si lo gue, lo ka aye so kue lo yeke na ni si lo vo yaka so.

Matthieu 13:52

Lo tene na ala: “So ti tene, wafango-ndia so ahinga ye na ndö ti *Kodro-gbia ti yayu awe, lo yeke tongana mbeni wa ti da so ayeke mu afini mosoro na angbene ni kue na ya ti gogoro ti lo ti sigigi na ni.”