Amato 10:13 - Mbeti ti Nzapa - Tënë so amu fini

¹³ Atënë ti ndara asigigi na yanga ti zo so ahinga ye; me ti zo so li ti lo ayeke daa pepe, lo lingbi gi na pika.

Amato 10:13 ပူးပေါင်းရင်းမြစ်များ

Abia (Psaumes) 32:9

Mbarata na lele ahinga ndo pepe; titene ala luti, a yeke zia wen na kamba na yanga ti ala. Mo sara ye tongana ala pepe si fade sioni ye asi na mo pepe.”

Abia (Psaumes) 37:30

Zo ti mbirimbiri ayeke tene atënë ti ndara; menga ti lo ayeke sigigi na tënë ti mbirimbiri.

Sigingo 10:12

KOTA GBIA atene na Moïse: “Yoro maboko ti mo na ndö ti Ezipte titene agbadola aga amu ya ti kodro ni kue; ala yeke te akugbe ti kasa so kue angba na peko ti pembe ti bekpa so.”

Amato 10:21

Atënë ti zo ti mbirimbiri ayeke sara nzoni na gba ti azo; me azo ti buba ayeke kui, ngbanga ti so li ti ala ayeke daa pepe.

Amato 10:31

Atënë ti ndara ayeke sigigi na yanga ti zo ti mbirimbiri; me fade a yeke fâ menga ti azo ti tenengo mvene.

Amato 15:23

Titene zo akiri tënë nzoni, so laa anzere. Tënë so zo atene na ndembe so alingbi, so ayeke nzoni mingi!

Amato 15:7

Atënë ti zo ti ndara ayeke mu lege na zo ti hinga ye; me gbungo-li ti zo ti buba ayeke mbeni ye nde!

Amato 16:21

Zo so ayeke gbu li ti lo na ndara, lo yeke zo ti hingango ye. Zo so atene anzerengo tënë na mba ti lo, fade mba ti lo ni ayeke yeda na lo.

Amato 17:10

Tongana a suku na zo ti hingango ndo fani oko, nzoni ye ti peko ni ayeke daa ahon ti zo ti buba so a pika lo fani ngbangbo oko.

Amato 19:29

A leke ngbanga ndali ti azo ti hengo ndo; pika ayeke ku ngbonda ti azo ti buba kungo.

Amato 20:15

Lôro na atêne ti ngangu ngere ayeke gbani gbani; me ye so warango ni ayeke ngangu ayeke tënë so ayeke fa hingango ndo na zo.

Amato 26:3

Zaza alingbi na mbarata, kamba alingbi titene a kanga na yanga ti lele si pika alingbi na ngbonda ti zo ti buba.

Amato 27:22

Ataa mo pika zo ti buba na ya ti kpu tongana ti so a yeke pika ale ti kobe, mo yeke sara gbaa, asarango ye ti buba ti lo ayeke ngba lakue na tere ti lo.

Amato 6:32

Ti zo so alango na wali ti zo, li ti lo ayeke daa pepe. Zo so asara tongaso abuba fini ti lo wani.

Amato 7:22

Gi hio tongaso, lo mu peko ti wali ni tongana bagara so a yeke gue na lo na ndo ti fango lo. Lo ga tongana buba zo so a akanga lo ti pika lo

Ésaïe 50:4

Kota Gbia NZAPA afa na mbi tënë so mbi lingbi ti tene, titene mbi hinga lege ti mu ngangu na zo so awoko. Lakue na ndaperere, lo yeke zingo mbi, lo yeke zi mê ti mbi titene mbi ma ndo tongana adisiple.

Nzoni Tënë so Luc asu na mbeti 4:22

Ala kue ayeke gonda lo; li ti ala kue akpe ndali ti tënë ti nzoni be so ayeke sigigi na yanga ti lo. Ala hunda ndo, atene: “Molenge ti Joseph so laa pepe?”